Молитва на благословение воинов

Молитва на благословение воинов

Молитвы воина

Молитва за Отчизну

О, премилосердный Господи, Боже щедрот, и Отче всякаго утешения! Не отврати лице Твое от народа Твоего, и не посрами чаяния нашего: уповающе на Тя, молимся Тебе, и молящеся на щедроты Твоя уповаем. Сохрани под кровом Твоея благости Отчизну нашу, посети ю благостию Твоею, Господи: явися всем народам, ю населяющим, богатыми щедротами Твоими: благорастворены и полезны воздухи всем даруй, дожди мирны земли ко плодоносию даруй: благослови венец лета благости Твоея: утоли раздоры церквей, угаси шатания, и еретическая возстания скоро разори силою Святаго Твоего Духа: всех нас приими в Царство Твое, сыны света и сыны дне показавый, Твой мир и Твою любовь даруй нам, Господи Боже наш, вся бо воздал еси нам. Ты бо един веси, еже требуем, и прежде прошения подаеши, и дарования утверждаеши, и всяко даяние благо, и всяк дар совершен свыше есть, сходяй от Тебе, Отца светов: Тебе слава и держава со Единородным Твоим Сыном, и Всесвятым и Благим и Животворящим Твоим Духом, ныне и присно, и во веки веков. Аминь.

Молитва за народ православный

Господи Боже наш, великий и многомилостивый! Во умилении сердец наших смиренно молимся Тебе. Сохрани под кровом Твоея благости от всякаго злаго обстояния нас, христиан православных. Огради нас на всех путях наших святыми Твоими Ангелы, да ничтоже успеет враг на нас, и сын беззакония не приложит озлобити нас. Исполни нас долготою дней и крепостию сил, да совершим вся во славу Твою и во благо народа своего. Да всеблагому Твоему промышлению о нас радующеся, на всяк день и час благословим и прославим всесвятое имя Твое: Отца и Сына и Святаго Духа. Аминь.

Молитва за Россию и воинство ее

Господи Боже наш, послушавый Моисеа, простерша к Тебе руце, и люди Израилевы укрепивый на Амалика, ополчивый Иисуса Навина на брань, и повелевый солнцу стати: Ты и ныне, Владыко Господи, услыши нас, молящихся Тебе: укрепи силою Твоею Родину нашу, умножи славу ея победами над супостаты: утверди всесильною десницею Твоею державу нашу, сохрани воинство ея, отыми от нас всяк глад и пагубу, и избави ны от огня и меча и нападения враг, и от всякаго востания противнаго: Посли, Господи, невидимо десницу Твою, раби Твоя заступающую во всех: яко Твоя держава, царство и сила, от Тебе помощь все приемлем, на Тя уповаем, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.

Молитва о прекращении раздоров, крамол и нестроений внутренних

Господи Иисусе Христе, Боже наш! Приими молитвы и рук наших воздеяния о оставлении всех грехов и беззаконий наших, имиже раздражихом Твое человеколюбие и прогневахом Твою благость: и отврати от нас весь гнев Свой, праведно движимый на ны, и утоли вся крамолы и нестроение, и раздоры, ныне сущия, и кровопролития, и междоусобную брань, и подаждь мир и тишину, любовь же и утверждение, и скорое примирение людем Твоим, ихже честною Твоею искупил еси Кровию, славы ради имени Твоего, утверждения же и укрепления Церкве Твоея Святыя, яко благословен еси во веки веков. Аминь.

Покаянная молитва, которую читали в церквах в России во дни смуты

Господи Боже, Вседержителю, призри на нас, грешных и недостойных чад Твоих, согрешивших пред Тобою, прогневавших благость Твою, навлекших гнев Твой праведный на ны, падших во глубину греховную. Ты зриши, Господи, немощь нашу и скорбь душевную, веси растление умов и сердец наших, оскудение веры, отступление от заповедей Твоих, умножение нестроений семейных, разъединения и раздоры церковныя, Ты зриши печали и скорби наша, от болезней, гладов, потопления, западения и междоусобныя брани происходящыя. Но, Премилостивый и Человеколюбивый Господи, вразуми, настави и помилуй нас, недостойных. Исправи жизнь нашу греховную, утоли раздоры и нестроения, собери расточенныя, соедини разсеянныя, подаждь мир стране нашей и благоденствие, избави ю от тяжких бед и несчастий. Всесвятый Владыко, просвети разум наш светом учения Евангельскаго, возгрей сердца наша теплотою благодати Твоея и направи я к деланию заповедей Твоих, да прославится в нас всесвятое и преславное имя Твое, Отца и Сына и Святаго Духа, ныне и во веки веков. Аминь.

Молитвы святым воинам

Св. мученику Иоанну Воину

О, мучениче Христов Иоанне Воине! Храбрый во бранех, и скорый заступник православных христиан в бедах и напастях их, по данной благодати от Бога! Буди нам поборник крепок на вся видимыя и невидимыя враги наша. Воинству нашему на враги победу даруй, да смирятся противящиися нам и вразумятся, и Бога истиннаго познают и святую Его Церковь Православную. Мы же, грешнии, да сподобимся прославляти Господа Спаса нашего во Царствии Его вкупе с тобою во веки. Аминь.

Св. Георгию Победоносцу

О всехвальный, святый великомучениче и чудотворче Георгие! Умоли Человеколюбца Бога, скорый помощниче всех призывающих тя, да не осудит нас, грешных, по беззаконием нашым, но да сотворит с нами по велицей Своей милости и подаст православному Отечеству нашему и всему боголюбивому воинству на супостаты одоление; да укрепит государство Российское непременяемым миром и благословением; изряднее же да оградит нас святых Ангел Своих ополчением, во еже избавитися нам, по исходе нашем из жития сего, от козней лукаваго и тяжких воздушных мытарств его, и неосужденным предстати престолу Господа славы. Аминь.

Св. благоверным князьям Российским, страстотерпцам Борису и Глебу

О двоице священная, святии страстотерпцы Борисе и Глебе, от юности Христу верою, чистотою и любовию послужившии, и кровьми вашими яко багряницею украсившиися, и ныне со Христом царствующии! Будите нам теплии заступницы, оградите всех нас от всякий скорби, озлоблений и внезапныя смерти. Молим вас, христолюбивии страстотерпцы, споспешествуйте державе Российстей к победе на враги, якоже некогда благоверному князю Александру Невскому на Ледовом побоище Чудском и на брегах Невы. Да несут Российстии воини страх врагам, свободу угнетенным народам и мир на земли, да в тихом житии поживут людие и во всяком благочестии славят Бога Отца и Сына и Святаго Духа. Аминь.

Св. благоверному князю Александру Невскому

Скорый помощниче всех усердно к тебе прибегающих и теплый наш пред Господом предстателю, святый благоверный великий княже Александре! Призри милостивно на ны недостойныя, из глубины сердца к тебе взывающыя. Ты в житии твоем ревнитель и защитник православный веры был еси: и нас в ней теплыми твоими к Богу молитвами непоколебимы утверди. Ты великое возложенное на тя служение тщательно проходил еси: и нас твоею помощию пребывати коегождо, в неже призван есть, настави. Ты, победив полки супостатов, от пределов Российских отгнал еси: и на нас ополчающихся всех видимых и невидимых врагов низложи. Ты, оставив тленный венец царства земнаго, избрал еси безмолвное житие, и ныне праведно венцем нетленным увенчанный на небесех царствуеши: исходатайствуй и нам, смиренно молим тя, житие тихое и безмятежное, и к вечному Царствию шествие неуклонное. Предстоя же со всеми святыми престолу Божию, молися о всех православных христианех, да сохранит их Господь Бог Своею благодатию в мире, здравии, долгоденствии и всяком благополучии в должайшая лета, да присно славим Бога во Святей Троице, Отца и Сына и Святаго Духа. Аминь.

Молитвы перед битвой

Молитва первая

Боже крепкий, в руце Своей содержай судьбы человеков! Не помяни грехов моих, и укрепи мя свыше силою Твоею на супротивныя нам. Даруй ми бодр ум и сердце безтрепетно, да страха их не убоюся ниже смущуся, но в сени священных хоругвей воинства нашего пребуду верен воинской клятве моей до конца. Во имя Твое, Господи, гряду, и да будет воля Твоя.
Пресвятая Богородице, спаси нас!
Святый Архистратиже Михаиле, споборствуй нам!
Святый Ангеле хранителю, не отступи от мене!
Вси святии, молите Бога о нас!

Молитва вторая св. мученика Феодора Стратилата

Господи Боже всесильный, всех уповающих на милость Твою не оставляяй, но защищаяй их! Буди мне милостив и соблюди мя от прелести вражия Твоим защищением, да не паду пред сопротивниками моими, и да не порадуется враг мой о мне. Предстани мне, Спасителю мой, в подвиге сем за имя Твое святое. Ты мя укрепи и утверди и подаждь силу стати мужественно за Тя до крове и положити душу мою по любви к Тебе, якоже и Ты, возлюбив нас, положил еси на Кресте душу Свою за нас. Аминь.

Читать еще:  Молитва о ночном недержании мочи

Молитва третья св. Архистратигу Божию Архангелу Михаилу

Святый и великий Архистратиже Божий Михаиле, ниспровергий с небесе диавола и воинство его! К тебе с верою прибегаем и тебе с любовию молимся, буди щит несокрушим и забрало твердо Святей Церкви и православному Отечествию нашему, ограждая их молниеносным мечем твоим от всех враг видимых и невидимых. Буди Ангел хранитель, наставник премудр и споспешник предводителем нашим. Буди вождь и соратай непобедимь христолюбивому воинству нашему, венчая его славою и победами над супостаты, да познают вси противляющиися нам, яко с нами Бог и святии Ангелы Его. Аминь.

Молитвы во время битвы

Стихи пророческие

С нами Бог, разумейте, языцы, и покаряйтеся:
Яко с нами Бог.
Услышите до последних земли:
Яко с нами Бог.
Могущии, покаряйтеся:
Яко с нами Бог.
Аще бо паки возможете, и паки побеждени будете:
Яко с нами Бог.
И иже аще совет совещаваете, разорит Господь:
Яко с нами Бог.
И слово, еже аще возглаголете, не пребудет в вас:
Яко с нами Бог.
Страха же вашего не убоимся, ниже смутимся:
Яко с нами Бог.
Господа же Бога нашего, Того освятим, и Той будет нам в страх:
Яко с нами Бог.
И аще на Него надеяся буду, будет мне во освящение:
Яко с нами Бог.
И уповая буду на Него и спасуся Им:
Яко с нами Бог.
Се аз и дети, яже ми даде Бог:
Яко с нами Бог.
Людие ходящии во тме видеша свет велий:
Яко с нами Бог.
Живущии во стране и сени смертней, свет возсияет на вы;
Яко с нами Бог.
Яко Отроча родися нам, Сын, и дадеся нам:
Яко с нами Бог.
Егоже началство бысть на раме Его:
Яко с нами Бог.
И мира Его несть предела:
Яко с нами Бог. И нарицается имя Его велика совета Ангел:
Яко с нами Бог.
Чуден Советник:
Яко с нами Бог.
Бог крепок, Властитель, началник мира:
Яко с нами Бог.
Отец будущаго века:
Яко с нами Бог.
С нами Бог, разумейте, языцы, и покаряйтеся:
Яко с нами Бог.
Слава Отцу и Сыну и Святому Духу.
С нами Бог, разумейте, языцы, и покаряйтеся:
Яко с нами Бог.
С нами Бог, разумейте, языцы, и покаряйтеся:
И ныне, и присно, и во веки веков. Аминь.
Яко с нами Бог.

Молитвы за здравие военнослужащего

С этими молитвами можно обртиться к святым с просьбой о сохранении здоровья военнослужащего.

Выберите нужное из меню:

  • Молитвы :
    • Иисусу Христу
    • Александру Невскому
    • Георгию Победоносцу
  • Пресвятой Богородице :
    • Иконе «Взыскание погибших»
    • Иконе «Всех скорбящих радость»
    • Иконе «Семистрельная»

Все молитвы подряд:

Молитва Иисусу Христу о здравии военнослужащего

Господи Иисусе Христе, Сыне Божий, молитв ради Пречистыя Твоея Матери услыши мя, недостойную рабу (раба) (имя).

Господи, в милостивой власти Твоей чада мои (чадо мое), рабы Твои (имена), помилуй и спаси их, Имени Твоего ради.

Господи, прости им все согрешения вольные и невольные, совершенные ими пред Тобою.

Господи, настави их на истинный путь Твоих заповедей, и разум просвети светом Христовым во спасение души и исцеление тела.

Господи, благослови их службу в армии, на суше, воздухе и в море, в пути, летании и плавании и на каждом месте Твоего владычества.

Господи, сохрани их силою Честного и Животворящего Креста Твоего под кровом Твоим святым от летящей пули, стрелы, меча, огня, от смертоносной раны, водного потопления и напрасной смерти.

Господи, огради их от всяких видимых и невидимых врагов, от всякой беды, зол, несчастий, предательства и плена.

Господи, исцели их от всякой болезни и раны, от всякия скверны и облегчи их душевные страдания.

Господи, даруй им благодать Духа Твоего Святаго на многие годы жизни, здравия и целомудрия во всяком благочестии и любви в мире и единодушии с окружающими их начальствующими, ближними и дальними людьми.

Господи, умножь и укрепи им умственные способности и телесные силы, здравы и благополучны возврати их в родительский дом.

Всеблагий Господи, даруй мне, недостойной и грешной рабе Твоей (имя), родительское благословение на чад моих (имена) в настоящее время утра, дня, ночи, ибо Царствие Твое вечно, всесильно и всемогущественно.

Молитва о здравии военного Александру Невскому

Скорый помощниче всех, усердно к тебе прибегающих, и теплый наш пред Господем предстателю, святый благоверный, великий княже Александре!

Призри милостивно на ны недостойныя, многими беззаконии непотребны себе сотворшия, к раце мощей твоих (или ко святей иконе твоей) ныне притекающия и из глубины сердца к тебе взывающия.

Ты в житии твоем ревнитель и защитник Православныя веры был еси:

и нас в ней теплыми твоими к Богу молитвами непоколебимы утверди.

Ты великое возложенное на тя служение тщательно проходил еси:

и нас твоею помощию пребывати коегождо, в неже призван есть, настави.

Ты, победив полки супостатов, от пределов Российских отгнал еси:

и на нас ополчающихся всех видимых и невидимых врагов низложи.

Ты, оставив тленный венец царства земнаго, избрал еси безмолвное житие, и ныне праведно венцем нетленным увенчанный на Небесех царствуеши:

исходатайствуй и нам, смиренно молим тя, житие тихое и безмятежное, и к Вечному Царствию шествие неуклонное твоим предстательством устрой нам.

Предстоя же со всеми святыми Престолу Божию, молися о всех православных христианех, да сохранит их Господь Бог Своею благодатию в мире, здравии, долгоденствии и всяком благополучии в должайшая лета,

да присно славим и благословим Бога в Троице Святей славимаго, Отца и Сына и Святаго Духа, ныне и присно и во веки веков.

Молитва о защите военнослужащего Георгию Победоносцу

О всехвальный, святый великомучениче и чудотворче Георгие!

Призри на ны скорою твоею помощию, и умоли Человеколюбца Бога, да не осудит нас, грешных, по беззакониям нашим, но да сотворит с нами по велицей Своей милости.

Не презри моления нашего, но испроси нам у Христа Бога нашего тихое и богоугодное житие, здравие же душевное и телесное, земли плодородие, и во всем изобилие,

и да не во зло обратим благая, даруемая нам тобою от Всещедраго Бога, но во славу святаго имени Его и в прославление крепкаго твоего заступления,

да подаст Он стране нашей и всему боголюбивому воинству на супостаты одоление и да укрепит непременяемым миром и благословением.

Изряднее же да оградит нас святых ангел Своих ополчением, во еже избавитися нам, по исходе нашем из жития сего, от козней лукаваго и тяжких воздушных мытарств его, и неосужденным предстати Престолу Господа Славы.

Услыши ны, страстотерпче Христов Георгие, и моли за ны непрестанно Триипостаснаго Владыку всех Бога,

да благодатию Его и человеколюбием, твоею же помощию и заступлением обрящем милость, со ангелы и архангелы и всеми святыми одесную Правосудного Судии стати, и Того выну славити со Отцем и Святым Духом, ныне и присно, и во веки веков.

Молитвы за сына в армии

Когда сын отправляется в армию, кроме гордости за собственного ребенка, у матери в душе поселяется тревога, ведь ее родное чадо находится вдали от дома, в незнакомой и довольно суровой обстановке. Помочь ему найти свое место на службе, обрести новых друзей, стать сильным духом и телом поможет молитва за сына в армии.

Молитва Господу

Обращаясь к Господу нашему, мать вкладывает в свои слова всю силу своей любви к родному чаду и веру в Бога и в то, что она будет услышана, а ее просьбы – выполнены. Слова молитвы матери о сыне в армии направлены на заступничество, милость и помощь Божию.

Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тери услы́ши мя́, недостойного раба́ Твоего́ (и́мя). Го́споди, в милостивой вла́сти Твое́й ча́да мои́ (имена́), поми́луй и спаси́ и́х, и́мени Твоего́ ра́ди. Го́споди, прости́ и́м все́ согреше́ния вольные и невольные, совершенные и́ми пред Тобо́ю. Го́споди, наста́ви и́х на и́стинный пу́ть Твои́х за́поведей и ра́зум просвети́ све́том Твои́м, во спасе́ние души́ и исцеле́ние те́ла. Го́споди, благослови́ и́х на ка́ждом ме́сте Твоего́ влады́чества. Го́споди, сохрани́ и́х си́лою Честного и Животворящего Креста́ Твоего́, под кро́вом Твои́м святы́м, от летящей пули, стре́лы, меча́, огня́, от смертоносной ра́ны, водного потопле́ния и напрасной сме́рти. Го́споди, огради́ и́х от вся́ких ви́димых и неви́димых враго́в, от вся́кой беды́, зо́л, несча́стий, преда́тельства и пле́на. Го́споди, исцели́ и́х от вся́кой боле́зни и ра́ны, от вся́кой скве́рны, и облегчи́ и́х душе́вные страда́ния. Го́споди, да́руй и́м благода́ть Ду́ха Твоего́ Свята́го на мно́гие го́ды жи́зни, здра́вие и целому́дрие во вся́ком благоче́стии и любви́, в ми́ре и единоду́шии с окружающими и́х начальствующими, бли́жними и дальними людьми́. Го́споди, умно́жь и укрепи́ и́х умственные спосо́бности и теле́сные си́лы, здра́вы и благополучны возврати́ и́х в роди́тельский до́м. Всеблаги́й Го́споди, да́руй мне́, недосто́йному и гре́шному рабу́ Твоему́ (и́мя), роди́тельское благослове́ние на ча́д мои́х (имена́) в настоя́щее вре́мя у́тра (дня́, ве́чера, но́чи), и́бо Ца́рство Твое́ ве́чно, всеси́льно и всемогущественно. Ами́нь.

Молитва Николаю Чудотворцу за сына в армии

Среди святых, к которым обращается мать за помощью и заступничеством своего сына, находящегося в армии, особое место занимает Николай Чудотворец. Слова молитвы будут услышаны, когда они произносятся от чистого сердца и с добрыми намерениями.

Читать еще:  Молитва отче наш на в переводе с еврейского

Чудотворец Святой Николай, Божий Угодник.Обращаюсь я к тебе с материнской мольбой о том, чтобы ты помог моему сыну успешно преодолеть все тяготы армейские и в скором времени вернуться в добром здравии домой. Прошу тебя в тяжелые минуты избавить моего сына от уныния, а мне помоги избавиться от излишнего волнения. Аминь.

Молитва Пресвятой Богородице

Кто лучше поймет тревоги и печали матери? Конечно, мать. Именно поэтому многие из тех, чьи дети проходят службу в армии, обращают слова сильной молитвы перед иконой Пресвятой Богородицы. Все самые сокровенные мысли и пожелания, касающиеся родного чада, адресуются Богородице. При этом стоит помнить, что нельзя просить наказания человеку, который осложняет жизнь и службу сына, нельзя посылать проклятия в его адрес. Наоборот, нужно попросить прощения за грехи, направив основные мысли и просьбы на защиту своего ребенка.

К Богородице обращаются по разным поводам, в том числе – в случае болезни детей. Если сын заболел, будучи в армии, обращение к Божьей Матери будет эффективным и результативным.

О Пресвятая Владычице Дево Богородице, спаси и сохрани под кровом Твоим моих чад (имена), всех отроков, отроковиц и младенцев, крещеных и безымянных и во чреве матери носимых. Укрой их ризою Твоего материнства, соблюди их в страхе Божием и в послушании родителям, умоли Господа моего и Сына Твоего, да дарует им полезное ко спасению их. Вручаю их Материнскому смотрению Твоему, яко Ты еси Божественный Покров рабам Твоим. Матерь Божия, введи меня во образ Твоего небеснаго материнства. Уврачуй душевные и телесные раны чад моих (имена), моими грехами нанесенные. Вручаю дитя мое всецело Господу моему Иисусу Христу и Твоему, Пречистая, небесному покровительству. Аминь.

Молитва Архангелу Михаилу

С просьбами о легкой службе, удаче во всех делах можно обращаться с молитвой матери о сыне служащем в армии, к Архангелу Михаилу. Она является сильным оберегом от сложностей армейской жизни, помогает укрепить дух не только молодого бойца, но и его матери.

О Господи Боже Великий, Царю Безначальный, пошли, Господи Архангела Твоего Михаила на помощь рабу твоему (имя) изъяти мя от враг моих видимых и невидимых! О Господень Архангел Михаиле, излей миро влагостыни на раба своего (имя). О Господень Михаиле Архангеле, демонов сокрушителю! Запрети всем врагам, Борющимся со мною, сотвори их яко овцы и сокруши их, яко прах пред лицем ветра. О Господень великий Михаиле Архангеле, шестикрылатый первый княже и воеводе невесных сил, Херувим и Серафим! О Господень угодный Михаиле Архангеле! Буди ми помощь во всем: в обидах, в скорбях, в печалех, в пустынях, на распутиях, на реках и на морях тихое пристанище! Избави, Михаиле Архангеле, от всякия прелести диавольския, егда услышиши мя, грешнаго раба своего (имя), молящегося тебе и призывающего имя твое святое, ускори на помощь мою, и услыши молитву мою, о Великий Архангеле Михаиле! Поведи вся противящиеся мне силою честнаго животворящего креста Господня, молитвами Пресвятые Богородицы и Святых Апостол, и Святаго Николая Чудотворца, Святаго Андрея Юродивого и Святаго Пророка Божия Илии, и Святых великомученик Никиты и Евстафия, Преподобных Отец всех святителей и мученик и всех святых небесных сил. Аминь.

Молитва Иоанну воину

Надежной защитой сыну, который проходит службу в армии, будет молитва, адресованная Святому Иоанну воину. Он покровительствует всем, кто проходит службу, помогает в решении проблем с армейским начальством, укрепляет волю и дух служащего.

О, му́чениче Христо́в, Иоа́нне во́ине! Хра́брый еси́ во бра́нех, и враго́м прогони́тель, и оби́димым засту́пник, всем правосла́вным христиа́ном. О, вели́кий засту́пниче и уго́дниче Христо́в, Иоа́нне вои́нственниче! Поми́луй нас, гре́шных и недосто́йных, и заступи́ в беда́х и в ско́рбех, и в печа́лех и во вся́кой злой напа́сти, и от вся́каго зла́го и оби́дящаго челове́ка, тебе́ бо дана́ бысть такова́я благода́ть от Бо́га, е́же моли́тися за ны, гре́шныя, в беда́х и напа́стех зле стра́ждущия. Изба́ви у́бо нас от оби́дящих и ненави́дящих, бу́ди нам побо́рник кре́пок на вся ви́димыя и неви́димыя враги́ на́ша. О, вели́кий побо́рниче, Иоа́нне во́ине! Не забу́ди нас, всегда́ моля́щихся тебе́, прося́щих по́мощи и неоску́дныя ми́лости твоея́, и сподо́би нас, гре́шных и недосто́йных, получи́ти от Бо́га неизрече́нная блага́я, я́же угото́ва лю́бящим Его́. Я́ко подоба́ет Ему́ вся́кая сла́ва, честь и поклоне́ние, Отцу́ и Сы́ну и Свято́му Ду́ху, ны́не, и при́сно, и во ве́ки веко́в. Ами́нь.

Как правильно молиться

Обращаться с просьбами за сыновей, проводящих воинскую службу, можно и к другим святым: Георгию Победоносцу, Александру Невскому, святой Матроне Московской и другим. Главное при обращении к ним – чистые помыслы и горячая вера в то, что слова молитвы обязательно будут услышаны, а помощь и поддержка будет получена.

Обращаться за покровительством и помощью можно в храме перед иконами, а если такой возможности нет – молиться дома, поставив перед собой иконку святого. Однако слова, идущие от самого сердца и согретые теплом ее души, достигнут Высших сил, даже если к ним обращаются без стоящих рядом икон. Важно понимать, что лики святых помогают, но не заменяют внутреннюю силу материнской молитвы. Желательно молиться за сына утром и вечером ежедневно.

Молитвы за воинов

Молитвы как о ныне живущих воинах, так и об убиенных в боях. Молитвы о победе и об избавлении от плена.

Молитвы за воинов возносят как о живущих ныне, так и о павших в бою воинах. О живущих ныне Воинах мы просим заступничества перед Богом у Богородицы и у святых, чтобы те молитвами своими придали воинам мужества, защитили на поле брани или помогли освободиться от плена. За умерших воинов молитвы возносятся Богу, дабы тот упокоил души их в Царствии Своем и даровал им свою вечную благодать.

Молитвы за воинов живущих ныне

Молитва Богородице о сохранении жизни на поле брани

Мати Божия! Сохрани мя под покровом Твоим. Аминь.

Молитва Великомученику Георгию Победоносцу о даровании мужества

Святый, славный и всехвальный великомучениче Христов Георгие! Собраннии во храме твоем и пред иконою твоею святою покланяющиися людие молим тя, известный желания нашего ходатаю: моли с нами и о нас умоляемаго от Своего благосердия Бога, да милостиво услышит нас, просящих Его благостыню (имена), и не оставит вся наша ко спасению и житию нужная прошения, и да укрепит же данною тебе благодатию во бранех православное воинство, и силы возстающих враг наших да низложит, да постыдятся и посрамятся, и дерзость их да сокрушится, и да уведят, яко мы имамы Божественную помощь: и всем в скорби и обстоянии сущим многомощное яви твое заступление: умоли Господа Бога, всея твари Создателя, избавити нас от вечнаго мучения, да всегда прославляем Отца и Сына и Святаго Духа, и твое исповедуем предстательство, ныне и присно и во веки веков.

Молитва Святому благоверному князю Александру Невскому

Скорый помощниче всех усердно к тебе прибегающих и теплый наш пред Господом предстателю, святый благоверный великий княже Александре! Призри милостиво на мя недостойнаго, многими беззаконии непотребна себе сотворшаго раба твоего (имя), к раце мощей твоих (ко святей иконе твоей) ныне притекающа и из глубины сердца к тебе взывающа. Ты в житии твоем ревнитель и защитник православный веры был еси: и нас в ней теплыми твоими к Богу молитвами непоколебимы утверди. Ты великое возложенное на тя служение тщательно проходил еси: и нас твоею помощию пребывати коегождо, в неже призван есть, настави. Ты, победив полки супостата, от пределов Российских того отгнал еси: и на нас ополчающихся всех видимых и невидимых врагов низложи. Ты, оставив тленный венец царства земнаго, избрал еси безмолвное житие, и ныне праведно венцем нетленным увенчанный на небесех царствуеши: исходатайствуй и нам, смиренно молим тя, житие тихое и безмятежное, и к вечному Царствию шествие неуклонное твоим предстательством устрой нам. Предстоя же со всеми святыми престолу Божию, молися о всех православных христианех, да сохранит их Господь Бог Своею благодатию в мире, здравии, долгоденствии и всяком благополучии в должайшая лета, да присно славим и благословим Бога в Троице Святей славимаго, Отца и Сына и Святаго Духа, ныне и присно и во веки веков.

Читать еще:  Молитва матроне о защите от врагов видимых и невидимых

Молитва о даровании победы в сражении

Да воскреснет Бог и расточатся врази Его, и да бежат от лица Его ненавидящие Его. Яко исчезает дым, да исчезнут; яко тает воск от лица огня, тако да погибнут грешницы от лица Божия, а праведницы да возвеселятся. Господь Бог благословен, поспешит нам Бог спасений наших. Дивен Бог во святых Своих, Бог Израилев, Той даст силу и державу людем Своим.

Молитва родителей о детях, находящихся на службе в армии

Господи Иисусе Христе, Сыне Божий, молитв ради Пречистыя Твоея Матери услыши мя, недостойную рабу [или раба] (имя). Господи, в милостивой власти Твоей чада моя [или чадо мое], рабы Твоя (имена), помилуй и спаси их, Имени Твоего ради. Господи, прости им все согрешения вольные и невольные, совершенные ими пред Тобою. Господи, настави их на истинный путь Твоих заповедей, и разум просвети светом Христовым во спасение души и исцеление тела. Господи, благослови их службу в армии, на суше, воздухе и в море, в пути, летании и плавании и на каждом месте Твоего владычества. Господи, сохрани их силою Честного и Животворящего Креста Твоего под кровом Твоим святым от летящей пули, стрелы, меча, огня, от смертоносной раны, водного потопления и напрасной смерти. Господи, огради их от всяких видимых и невидимых врагов, от всякой беды, зол, несчастий, предатель ства и плена. Господи, исцели их от всякой болезни и раны, от всякия скверны и облегчи их душевные страдания. Господи, даруй им благодать Духа Твоего Святаго на многие годы жизни, здравия и целомудрия во всяком благочестии и любви в мире и единодушии с окружающими их начальствующими, ближними и дальними людьми. Господи, умножь и укрепи им умственные способнос ти и телесные силы, здравы и благополучны возврати их в родительский дом.
Всеблагий Господи, даруй мне, недостойной и грешной рабе Твоей (имя), родительское благословение на чад моих (имена) в настоящее время утра, дня, ночи, ибо Царствие Твое вечно, всесильно и всемогущественно. Аминь.

Молитва Святителю Николаю Чудотворцу об избавлении от плена

О добрый наш пастырю и богомудрый наставниче, святителю Христов Николае! Услыши нас грешных (имена), молящихся тебе и призывающих в помощь скорое предстательство твое: виждь нас немощных, отвсюду уловляемых, всякаго блага лишенных и умом от малодушия помраченных. Потщися, угодниче Божий, не оставите нас в греховнем плену быти, да не будем в радость врагом нашим и не умрем в лукавых деяниих наших. Моли о нас недостойных Содетеля нашего и Владыку, Ему же ты со безплотными лики предстоиши: милостива к нам сотвори Бога нашего в нынешнем житии и в будущем веце, да не воздаст нам по делом нашим и по нечистоте сердец наших, но по Своей благости воздаст нам. На твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол находящих на нас, да ради святых твоих молитв не обымет нас напасть и не погрязнем в пучине греховней и в тине страстей наших. Моли, святителю Христов Николае, Христа Бога нашего, да подаст нам мирное житие и оставление грехов, душам же нашим спасение и велию милость, ныне и присно и во веки веков.

Молитвы об умерших воинах

Молитвы возносятся Богу и Божией матери об упокоении душ умерших в бою или после сражений воинов.

Молитвы пред иконами Божией Матери «Взыскание погибших»

Заступнице усердная, благоутробная Господа Мати, к Тебе прибегаю аз окаянный и паче всех человек грешнейший; вонми гласу моления моего, и вопль мой и стенание услыши. Яко беззакония моя превзыдоша главу мою, и аз, якоже корабль в пучине, погружаюся в море грехов моих. Но Ты, всеблагая и милосердая Владычице, не презри мене отчаяннаго и во гресех погибающаго; помилуй мя, кающагося во злых делех моих, и обрати на путь правый заблудшую, окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков. Аминь.

Моление о упокоении православных воинов, за веру и Отечество на брани убиенных

Непобедимый, непостижимый и крепкий во бранех Господи Боже наш! Ты, по неисповедимым судьбам Твоим, овому посылаеши Ангела смерти под кровом его, овому на селе, овому на мори, овомуже на поле брани от оружий бранных, изрыгающих страшныя и смертоносныя силы, разрушающия телеса, расторгающия члены и сокрушающия кости ратующих; веруем, яко по Твоему, Господи, премудрому смотрению, такову приемлют смерть защитники веры и Отечества.
Молим Тя, Преблагий Господи, помяни во Царствии Твоем православных воинов, на брани убиенных, и приими их в небесный чертог Твой, яко мучеников изъязвленных, обагренных своею кровию, яко пострадавших за Святую Церковь Твою и за Отечество, еже благословил еси, яко достояние Твое. Молим Тя, приими убо отшедших к Тебе воинов в сонмы воев Небесных Сил, приими их милостию Твоею, яко павших во брани за независимость земли Русския от ига неверных, яко защищавших от врагов веру православную, защищавших Отечество в тяжкие годины от иноплеменных полчищ; помяни, Господи, и всех, добрым подвигом подвизавшихся за древнехранимое Апостольское Православие, за освященную и в язык свят избранную Тобою землю Русскую, в нюже враги Креста и Православия приношаху и огнь, и меч. Приими с миром души раб Твоих (имена), воинствовавших за благоденствие наше, за мир и покой наш, и подаждь им вечное упокоение, яко спасавшим грады и веси и ограждавшим собою Отечество, и помилуй павших на брани православных воинов Твоим милосердием, прости им вся согрешения, в житии сем содеянная словом, делом, ведением и неведением. Призри благосердием Твоим, о Премилосердый Господи, на раны их, мучения, стенания и страдания, и вмени им вся сия в подвиг добрый и Тебе благоугодный; приими их милостию Твоею, зане лютыя скорби и тяготу зде прияша, в нуждех, тесноте, в трудех и бдениих быша, глад и жажду, изнурение и изнеможение претерпеша, вменяеми быша яко овцы заколения. Молим Тя, Господи, да будут раны их врачеством и елеем, возлиянным на греховныя язвы их. Призри с небесе, Боже, и виждь слезы сирых, лишившихся отцев своих, и приими умиленныя о них мольбы сынов и дщерей их; услыши молитвенныя воздыхания отцев и матерей, лишившихся чад своих; услыши, благоутробне Господи, неутешных вдовиц, лишившихся супругов своих; братий и сестер, плачущих о своих присных, — и помяни мужей, убиенных в крепости сил и во цвете лет, старцев, в силе духа и мужества; воззри на сердечныя скорби наша, виждь сетование наше и умилосердися, Преблагий, к молящимся Тебе, Господи! Ты отъял еси от нас присных наших, но не лиши нас Твоея милости: услыши молитву нашу и приими милостивно отшедших к Тебе приснопоминаемых нами рабов Твоих (имена); воззови их в чертог Твой, яко доблих воинов, положивших живот свой за веру и Отечество на полях сражений; приими их в сонмы избранных Твоих, яко послуживших Тебе верою и правдою, и упокой их во Царствии Твоем, яко мучеников, отшедших к Тебе израненными, изъязвленными и в страшных мучениях предававшими дух свой; всели во святый Твой град всех приснопоминаемых нами рабов Твоих (имена), яко воинов доблих, мужественно подвизавшихся в страшных приснопамятных нам бранех; облецы их тамо в виссон светел и чист, яко зде убеливших ризы своя в крови своей, и венцев мученических сподоби; сотвори их купно участниками в торжестве и славе победителей, ратоборствовавших под знаменем Креста Твоего с миром, плотию и диаволом; водвори их в сонме славных страстотерпцев, добропобедных мучеников, праведных и всех святых Твоих. Аминь.

Ссылка на основную публикацию
×
×
Adblock
detector