Молитва о пресвятая дево мати господа
Молитвы к Пресвятой Богородице по Псалтыри
Молитвы ко Пресвятой Богородице
Эти, довольно редкие и красивые, молитвы взяты из книги «Псалтирь — помощник и покровитель». Они расположены после каждой кафизмы, всего их двадцать, по количеству кафизм. Святитель Николай Сербский упоминает о таком обычае, когда во время чтения Псалтири после одной или нескольких кафизм прочитывались молитвы, содержащии особые прошения о ближних, находящихся в трудных обстоятельствах.
О Пресвятая Дево, Мати Господа Вышняго, Всемилостивая Заступнице и Покровительнице всех к Тебе с верой прибегающих! Призри с высоты небесныя славы Своея на рабов Божиих (имена) и на нас, припадающих ко подножию Твоему, услыши смиренную молитву нас, грешных и недостойных рабов Твоих, и принеси ю пред возлюбленнаго Сына Твоего: (просьба). О, Преблагословенная Богородице! Ты, именуемая Скоропослушнице и всех скорбящих Радосте, услыши и нас, скорбных; Ты, именуемая Утоление печали, утоли и наши душевные болезни и печали; Ты Купино Неопалимая, сохрани мир и всех нас от вредоносных огненных стрел вражиих; Ты, Взыскание погибших, не попусти нас погибнути в бездне грехов наших; Ты, Целительнице страждущих, исцели и нас, уязвленных от немощей душевных и телесных; Ты, Нечаянная Радосте, радостию спасения Твоего отъемли от нас страх грядущаго мучения; Ты, Споручнице грешных, буди и нам, грешным, Благосердою Споручницею покаяния и спасения нашего. На Тебе по Бозе все наше упование возлагаем, буди нам выну Неусыпная Ходатаица и Всесильная Предстательница пред Сыном Твоим, Господом нашим Иисусом Христом; укрепи в нас веру в Него, утверди в любви Его, научи нас любити и славити и Тебя, Пресвятую Матерь Божию, Преблагословенную Марию; Вседержавному Покрову Твоему, Богородице, вручаем себе на вся веки. Аминь.
Молитва вторая
О Царице Богородице, Христа Бога нашего Мати! Услыши ны: (просьба), и избави раб Божиих (имена) от всякия скорби и печали, огради от всякия напасти и злых клевет и от неправеднаго и лютаго навета вражия. Можеши бо, о Благодатная Мати Божия, не точию от всякаго зла сохранити люди Твоя, но и всяким благодеянием снабдити их и спасти: разве Тебе иныя Ходатаицы о нас, грешных, не имамы к Сыну Твоему, Егоже умоли, Владычице, да спасеннии Тобою славим Сына Твоего и Бога нашего, купно со Отцем и Святым Духом, ныне и в безконечные веки. Аминь.
Молитва третия.
О Всемилостивая Госпоже, Дево Богородице! Вонми смиренному молению нашему: (просьба), и вознеси к Сыну Твоему и Богу нашему Матернее Твое моление о рабах Божиих (имена), да не отвержет их грешных от лица Своего, но, яко Милостив, да простит им согрешения их вольная и невольная, да сохранит от соблазнов мира, от козней диавольских и от нападения невидимых враг, да сотворит их дни благи и безмятежны, яко благ Господь ко всея твари, со Отцем и Святым Духом, славимый во веки. Аминь.
Молитва четвертая.
О Милостивая и Премилостивая Госпоже Царице Богородице! Ты, яже восхощеши, вся испросити от Сына Твоего Христа Бога нашего можеши: не отрини раб Божиих (имена) от Твоего заступления: (просьба), и подаждь освобождение от бед и скорбей и избави их, Всенепорочная, от видимых и невидимых враг и от злых человек, клевещущих на них, и моли Сына Твоего и Бога нашего, яко да в день Суда одесную поставит ны, ради Твоего предстательства. Тому слава и держава, со Безначальным Его Отцем и Святым Духом, ныне и присно, и во веки веков. Аминь.
Молитва пятая.
О Пресвятая Владычице Богородице! Призри с благосердием на моления наша: (просьба), и не отврати лица Твоего от раб Божиих (имена) за множество прегрешений их, но простри им руце матернего милосердия Твоего и сотвори с ними знамение во благо. Яви богатую помощь Твою и благопоспеши во всяком деле блазе; от всякаго же начинания греховнаго и помышления лукаваго отврати их, да всегда славят Пречестное имя Твое. Аминь.
О Пресятая Госпоже Владычице Богородице! Со страхом, верою и любовию пред честною и чудотворною иконою Твоею припадающе, молим Тя (просьба), и не отврати лица Твоего от прибегающих к Тебе. Умоли, Милосердая Мати, Сына Твоего и Бога нашего, Господа Иисуса Христа, да сохранит мирну страну нашу, Церковь же Свою Святую непоколебиму да соблюдет, и от неверия и ересей и раскола да избавит. Не имамы бо иныя помощи, не имамы иныя надежды, разве Тебе, Пречистая Дево; Ты еси всесильная христиан Помощница и Заступница. Избави же всех с верою Тебе молящихся от падений греховных, от навета злых человек, от всяких искушений, скорбей, болезней, бед и от внезапной смерти. Даруй рабам Твоим (имена) дух сокрушения, смирение сердца, чистоту помышлений, исправление греховныя жизни и оставление прегрешений, да вси, благодарне воспевающе величия Твоя и милости Твоя являемыя зде на земли, сподобимся и Небеснаго Царствия, и тамо со всеми святыми прославим Пречестное и Великолепое Имя Отца и Сына и Святаго Духа во веки веков. Аминь.
Молитва седьмая.
Пресвятая Госпоже, Владычице Богородице! Услыши ны: (просьба), и помилуй грешныя и недостойныя рабы Твоя (имена), умоли Милосердая Владычице, Сына Твоего и Господа нашего Иисуса Христа, да отвратит от них праведный гнев Свой, да простит грехи и беззакония их, яко да сподобятся благостию Его скончати житие в покаянии и получити милость Его со всеми избранными Его: яко благословена и препрославлена еси во веки. Аминь.
Молитва восьмая.
Богорадованная Владычице, Всемилостивая о всем мире Ходатаице! Прилежно раби Твои ко Твоему предстательству прибегаем: (просьба), и молитву теплую к Сыну Твоему и Богу нашему сотвори о рабех Божиих (имена), да от всяких болезней и печалей их Тебе ради избавит, и от грехов всяких свободив, Царствия Своего Небеснаго наследники их покажет; велие бо и неизреченное, яко Мати, к Нему дерзновение имаши и вся от него испросити можеши, Едина во веки Преблагословенная. Аминь.
Молитва девятая.
О Пресвятая Госпоже, Владычице Богородице! Смиренно припадающе молим Тя: (просьба), и не затвори рабам Твоим, грешным (имена), щедрот Твоих, избави их от падения греховнаго, от навета злых человек, от скорбей и бед, от внезапныя смерти и вечных мук и даруй им дух сокрушения, смирение сердца, чистоту ума и оставление прегрешений, да вси, благодарно Тя воспевающи, сподобимся Небеснаго Царствия и тамо со всеми святыми да славим Пречестное и Великолепое имя Отца и Сына и Святаго Духа во веки веков. Аминь.
Молитва десятая.
Заступница усердная, Мати Господа Вышняго! Призри ныне с высоты святыя Твоея на раб Божиих (имена) и покажи на них чудныя милости Твоя: (просьба), и избави их от всякия скорби, настави на путь всякия добродетели и благостыни, спаси от искушений, бед и болезней. Не имамы бо ни иныя помощи, ни иного предстательства, ни утешения, токмо Тебе, о Мати всех скорбящих и напаствуемых. Ты по Бозе наша надеждо и заступнице, и на Тя уповающе, сами себе и друг друга, и всю жизнь нашу Тебе предаем во веки веков.Аминь.
Молитва одиннадцатая.
О Премилосердая Госпоже, Царице Богородице! Приими смиренное моление наше: (просьба), и не отрини раб Божиих (имена) и не возгнушайся их, недостойных. Но яко Милосердая Мати, не престани моляще, Его же родила еси, да дарует им прощение многих согрешений, да спасет их имиже весть судьбами. Помилуй их, Владычице, помилуй их, несть бо им спасение от дел. Даруй рабам Божиим умиление, покаяние и сокрушение сердечное. Сподоби их по вся дни жизни творити волю Сына Твоего и Бога нашего и во всем благоугождати Ему Единому. В смерти же час, Пресвятая Дево, избави раб Божиих (имена) от власти бесовския и осуждения, и ответа, и страшнаго испытания, и мытарств горьких, и огня вечнаго, да сподобльшеся Царствия Божия, величают Тя и славят воплощшагося от Тебе Христа Бога нашего, Емуже слава со Отцем и Святым Духом, ныне и присно, и во веки веков. Аминь.
Молитва двенадцатая
О пресвятая госпоже, владычице богородице! Приими недостойную молитву нашу: (просьба), и сохрани раб божиих (имена) от навета злых человек и от внезапныя смерти и даруй нам прежде конца покаяние, и умягчи злая сердца их. Укрепи в них правую веру, вложи в сердца их дух страха божия, дух благочестия, дух смирения, терпения и любве и в добрых делах преуспеяние: избави же раб божиих (имена) от искушений, развращения и погибели вечныя. И сподоби их одесную стати сына твоего, христа бога нашего, во втором его пришествии и наследники быти царствия небеснаго и жизни вечныя со всеми святыми в безконечныя веки веков.
к кому возопием, владычице; к кому прибегаем в горести нашей, аще не к тебе, цариценебесная; кто плач наш и воздыхание приимет, аще не ты, пренепорочная, надеждо христиан и прибежище нам, грешным. Кто паче тебе в милости: приклони ухо твое к нам, владычице, мати бога нашего, и не презри требующих твоея помощи: (просьба), и услыши стенание наше, подкрепи раб твоих грешных (имена), вразуми и научи, царице небесная, и не отступи от них, владычице, за роптание, но буди им мати и заступница и вручи их милостивому покрову сына твоего: устрой их, како угодно будет святей твоей воле, и приведи их, грешных, к тихой и безмятежной жизни, да плачутся о гресех своих, да возрадуются же с тобою всегда, ныне и присно, и во веки веков.
О пресвятая госпоже, владычице богородице! Приими недостойную молитву нашу (просьба), и сохрани раб божиих (имена) от навета злых человек и от внезапныя смерти и даруй им прежде конца покаяние. На моление наше умилосердися и радость вместо печали даруй. И избави их, госпоже, от всякия беды и напасти, скорби и болезни и от всякаго зла. И сподоби ны, грешныя рабы твоя, одесную стати во втором пришествии сына твоего, христа бога нашего, и наследники! Быти царствия небеснаго и жизни вечныя co всеми святыми в безконечныя веки веков.
Приими, о всеблагословенная и всемощная госпоже владычице богородице дево, сия молитвы за недостойных рабов твоих (имена), со слезами тебе ныне приносимый от нас, ко твоему цельбоносному образу пение возсылающих со умилением, яко тебе самой зде сущей и внемлющей молению нашему: (просьба), по ко-емуждо бо прошению исполнение твориши, скорби облегчавши, немощным здравие даруеши, разслабленныя и недужныя исцелявши, от бесных бесы прогонявши, обидимыя от обид избавлявши, прокаженныя очищавши и малый дети милуеши; еще же, госпоже владычице богородице, и от уз и темниц свобождаеши и всякия многоразличный страсти врачуеши; вся бо суть возможна ходатайством твоим к сыну твоему, христу богу нашему. О всепетая мати, пресвятая богородице! Не престай молитися о недостойных рабех твоих, славящих тя и почитающих тя, и покланяющихся со умилением пречистому образу твоему, и надежду имущих невозвратну и веру несумненну к тебе, приснодеве преславней и непорочней, ныне и присно и во веки веков.
Мати господа небесе и земли, подаждь заступление рабам твоим (имена) по исходе от временныя жизни сия, помози им безбедно прейти вся воздушныя мытарства миродержителя тьмы века сего и в райских обителех со избранными вселитися сподоби, да во светлостех святых воспевают великолепое имя отца и сына и святаго духа, ныне и присно, и во веки веков.
Молитва восемнадцатая
госпоже богородице, всесмиренно взываю к тебе: услыши мя, вонми молению и прошению моему: (просьба), и да исправится молитва моя, яко кадило пред лицем твоим; сотвори, владычице, рабов твоих (имена) всегда разумети богоутодное тебе и утверди сердца их во истенней любви к тебе.
Молитва девятнадцатая
О, пресвятая госпоже, владычице моя богородице, небесная царице! Спаси и избави грешных рабов твоих (имена) от напрасныя клеветы, от всякия беды и напасти и внезапныя смерти. Защити их, владычице богородице, от всех враг видимых и невидимых, и от всякаго злаго обстояния: (просьба), и на всяком месте и на всякое время буди им, мати преблагая, необоримая стена и крепкое заступление всегда, ныне и присно, и во веки веков. Аминь
Пресвятая дево! Мати господа, покажи на мне, убозем, и рабах божиих (имена) древния милости твоя: (просьба), и низпосли дух разума и благочестия, дух милосердия и кротости, дух чистоты и правды. Ей, госпоже пречистая! Милостива им буди зде и на страшном суде. Ты бо еси, госпоже, слава небесных и упование земных. Аминь.
Иногда человек подходит к черте, за которой — пропасть. Он в отчаянии, беспомощности и безысходности стоит у края, раздумывая, шагнуть или удержаться? Человек в этом состоянии очень одинок, и ему не с кем разделить тяжесть своей муки, и рядом нет друга, который взял бы его за руку и отвел от края страшной бездны.
В такие минуты, даже если они длятся не один месяц, нужно помнить, что есть Тот, кто всегда с нами.Он к нам очень близок, просто мы Его не слышим. Мы настолько поглощены собственной болью, собственными проблемами, что не видим и не ощущаем Его участия в нашей жизни. А Господь стоит смиренно у дверей нашего сердца и ждет, когда же мы впустим Его.
Когда у ребенка что-нибудь не получается, когда его кто-то обидел, когда он хочет получить что-то в подарок, когда он не знает, как поступить, он обращается к родителям. Так и мы, можем со всеми своими нуждами обратиться к Отцу нашему небесному, как дети — в простоте и незлобии.
Разговор с Богом происходит во время молитвы. Молитва — это беседа с Богом, это средство, при помощи которого ищут и находят Бога. Как говорят святые учителя Церкви, молитва — это искусство из искусств.
Молитвы ко Пресвятой Богородице
Молитва первая
О Пресвятая Госпоже Владычице Богородице! Воздвигни нас, раб Божиих (имена) из глубины греховныя и избави нас от смерти внезапныя и от всякого зла. Подаждь, Госпоже, нам мир и здравие и просвети нам ум и очи сердечныя, еже ко спасению, и сподоби ны, грешныя рабы Твоя, Царствия Сына Твоего, Христа Бога нашего: яко держава Его благословенна со Отцем и Пресвятым Его Духом.
Молитва вторая
Пресвятая Дево, Мати Господа, покажи на мне, убозем, и рабах Божиих (имена) древния милости Твоя: низпосли дух разума и благочестия, дух милосердия и кротости, дух чистоты и правды. Ей, Госпоже Пречистая! Милостива мне буди зде и на Страшнем Суде. Ты бо еси, Госпоже, слава небесных и упование земных. Аминь.
Молитва третья
Нескверная, Неблазная, Нетленная, Пречистая, Неневестная Богоневесто, Богородице Марие, Госпоже мира и Надежде моя! Призри на мя, грешнаго, в час сей и Егоже из чистых кровей Твоих неискусомужно родила еси Господа Иисуса Христа, милостива мне соделай матерними Твоими молитвами; Того зревшая осужденна и оружием печали в сердце уязвившаяся, уязви душу мою Божественною любовию! Того в узах и поруганиях горце оплакавшая, слезы сокрушения мне даруй; при вольном Того ведении на смерть душею тяжце поболевшая, болезней мя свободи, да Тя славлю, достойно славимую во веки. Аминь.
Молитва четвертая
Заступнице усердная, благоутробная Господа Мати! К Тебе прибегаю аз, окаянный и паче всех человек грешнейший: вонми гласу моления моего, и вопль мой и стенание услыши. Яко беззакония моя превзыдоша главу мою и аз, якоже корабль в пучине, погружаюся в море грехов моих. Но Ты, Всеблагая и Милосердая Владычице, не презри мене, отчаяннаго и во гресех погибающаго; помилуй мя, кающагося во злых делех моих, и обрати на путь правый заблуждшую окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков. Аминь.
Молитва пятая
Пресвятая Владычице Богородице, единая чистейшая душею и телом, единая превысшая всякой чистоты, целомудрия и девства, единая всецело соделавшаяся обителию всецелой благодати всясвятаго Духа, самыя невещественыя силы здесь еще несравненно превзошедшая чистотою и святынею души и тела, призри на мя мерзкаго, нечистаго, душу и тело очернившаго скверною страстей жизни моей, очисти страстный мой ум, непорочными соделай и благоустрой блуждающие и слепотствующие помыслы мои, приведи в порядок чувства мои и руководствуй ими, освободи меня от мучительствующаго надо мною злаго и гнуснаго навыка к нечистым предразсудкам и страстям, останови всякий действующий во мне грех, омраченному и окаянному уму моему даруй трезвение и разсудительность для исправления своих поползновений и падений, чтобы, освободившись от греховной тьмы, сподобился я с дерзновением прославлять и песнословить Тебя, единую Матерь истиннаго Света – Христа, Бога нашего; потому что Тебя одну с Ним и о Нем благословляет и славит всякая невидимая и видимая тварь ныне, и всегда, и во веки веков. Аминь.
Молитва шестая
О Пресвятая Дево, Мати Господа Вышняго, Заступнице и Покрове всех, к Тебе прибегающих! Призри с высоты святыя Твоея на мя, грешнаго (имя), припадающаго ко пречистому образу Твоему; услыши мою теплую молитву и принеси ю пред Возлюбленнаго Сына Твоего, Господа нашего Иисуса Христа; умоли Его, да озарит мрачную душу мою светом Божественныя благодати Своея, да избавит мя от всякия нужды, скорби и болезни, да низпослет мне тихое и мирное житие, здравие телесное и душевное, да умирит страждущее сердце мое и исцелит раны его, да наставит мя на добрая дела, ум мой убо от помышлений суетных да очистит, исполнению же заповедей Своих мя научив, от вечныя муки да избавит и Своего Небеснаго Царствия да не лишит мя. О Пресвятая Богородице! Ты, “Всех скорбящих Радосте”, услыши и мя, скорбнаго; Ты, именуемая “Утоление печали”, утоли и мою печаль; Ты, “Купино Неопалимая”, сохрани мир и всех нас от вредоносных огненных стрел врага; Ты, “Взыскание погибших”, не попусти и мне погибнути в бездне грехов моих. На Тя бо по Бозе вся моя надежда и упование. Буди мне в жизни временней Заступница, и о жизни вечней пред Возлюбленным Сыном Твоим, Господем нашим Иисусом Христом, Ходатаица. Научи мя Тому убо с верою и любовию служити, Тебе же, Пресвятая Мати Божия, Преблагословенная Марие, благоговейно чтити до скончания дней моих. Аминь.
Молитва Покрова Пресвятой Богородицы
«О Пресвятая Дево, Мати Господа…»
О, Пресвятая Дево, Мати Господа вышних сил, небесе и земли Царице, града и страны нашея Всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим, и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим, и испроси у Бога Сына Твоего: пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надежда и Заступница всех, притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.
Перевод на русский молитвы Покрову Пресвятой Богородицы:
О, Пресвятая Дева, Матерь Господина вышних сил, неба и земли Царица, града и страны нашей Заступница! Прими это хвалебно-благодарственное пение от нас, недостойных Твоих рабов, и вознеси наши молитвы к Престолу Бога Сына Твоего, да будет Он милостив к нашим беззакониям, да дарует Свою благодать чтущим всечестное Твоё имя и поклоняющимся с верой и любовью чудотворному Твоему образу. Ибо мы недостойны быть помилованными Им, если Ты не умилостивишь его, Владычица, так как все Твое возможно в Нем. Потому прибегаем к Тебе, осени нас своим державным покровом, и испроси у Бога Сына Твоего: нашим пастырям – ревность и бодрствование о наших душах, градоправителям – мудрость и силу, судьям – правду и нелицеприятие, наставникам – разум и смиренномудрие, супругам – любовь и согласие, детям – послушание, обиженным – терпение, обижающим – страх Божий, находящимся в скорби – благодушие, радующимся – сдержанность, и всем же нам даровать дух разума и благочестия, дух милосердия и кротости, дух чистоты и правды. Так, Пресвятая Госпожа, будь милосердна к Твоим грешным людям; собери разрозненных, направь на путь заблудших, поддержи пожилых, укрепи в целомудрии молодых, воспитай младенцев, обратись к нам Своим милостивым заступничеством, подними нас из греховной глубины и просвети наши сердечные очи, чтобы мы видели спасение, будь к нам милостива и здесь и там – в стране земного пришествия и на страшном суде Сына Твоего. Почивших же отцов и братию нашу в вере и покаянии даруй жизнь с Ангелами и всеми святыми. Ибо ты, Госпожа, Слава небесных и Упование земных, по Божьей Воле Ты наша Надежда и Заступница всех, кто обращается к Тебе с верой. Итак, мы молимся Тебе, и Тебе, как Всемогущей Помощнице, сами себя и друг друга и всю жизнь нашу доверяем, сейчас и навсегда и в веки веков. Аминь.
Сложные слова:
Пробавит – продлит; несмы – мы не; бо – ибо; аще – если; сего ради – поэтому; бдение – бодрствование; умилосердися – смилуйся; зде – здесь; тамо – там; представльшиеся – усопшие; живот – жизнь.
Молитва Покрова является частью акафиста, посвящённого празднику. Акафист – особый жанр гимнографии – возник в седьмом веке в Византии. Название произошло из греческого языка, буквально, «неседальная песнь». То есть вся молитва поётся исключительно стоя.
Автором этого акафиста является святитель Иннокентий Херсонский, называемый народом «Русским златоустом». Недаром, песнопение, написанное в 18 столетии, так любимо среди православных верующих. Молитва читается священником в конце акафиста и является соборным обращением к Богоматери. Особое красотой исполнения акафиста Покрову Богородицы отличается сводный хор семинаристов и студентов академии при Троице-Сергиевой Лавре. В домовом храме академии, посвящённому Покрову Пресвятой Богородицы, этот акафист поётся каждую среду. Традиция знаменитого лаврского распева была заложена знаменитым регентом двадцатого века – архимандритом Матфеем Мормылем:
Молитвы Пресвятой Богородице.
ВЛАДИМИРСКАЯ ИКОНА БОЖИЕЙ МАТЕРИ
Согласно Преданию, эта икона была написана апостолом и евангелистом Лукой еще при жизни Богоматери на доске стола, за которым трапезовало Святое Семейство. До половины V века икона оставалась в Иерусалиме, затем была перенесена в Константинополь, а в середине ХII века специальный список с нее был послан на Русь.
Пребывая в течение двух с половиной веков во Владимире, икона стала именоваться Владимирской и прославилась множеством чудотворений, в бесчисленных списках разойдясь по стране.
Перенесение иконы в Москву состоялось в 1395 году, во время страшного нашествия Тамерлана на Россию. Память избавления Москвы от этого разорения празднуется 26 августа.
Вторичное празднование совершается 23 июня в память свержения татарского ига в 1480 году.
Третьим празднованием, 21 мая, вспоминается поновление образа в 1521 году и избавление Москвы от разгрома Махмет-Гиреем.
Перед этой славной иконой совершались все важнейшие государственные акты России: присяга на верность Родине, молитвы перед военными походами, избрание Всероссийских Патриархов.
Молитва
О Всемилостивейшая Госпоже Богородице, Небесная Царице, Всемощная Заступнице, непостыдное наше Упование! Благодаряще Тя о всех великих благодеяниях, в роды родов людем российским от тебе бывших, пред пречистым образом Твоим молим Тя: сохрани град сей (весь сию; святую обитель сию) и предстоящия рабы Твоя и всю Землю Русскую от глада, губительства, земли трясения, потопа, огня, меча, нашествия иноплеменных и междоусобныя брани! Сохрани и спаси, Госпоже, Великого Господина и Отца нашего (имярек), Святейшего Патриарха Московского и всея Руси и Господина нашего (имя рек), Преосвященнейшего епископа (архиепископа, митрополита) (титул), и вся Преосвященныя митрополиты, архиепископы и епископы православныя. Даждь им Церковь Российскую добре управити, верныя овцы Христовы негиблемы соблюсти. Помяни, Владычице, и весь священнический и монашеский чин, согрей сердца их ревностию о Бозе и достойно звания своего ходити коегождо укрепи. Спаси, Госпоже, и помилуй и вся рабы Твоя и даруй нам путь земнаго поприща без порока прейти. Утверди нас в вере Христовой и во усердии ко Православной Церкви, вложи в сердца наша дух страха Божия, дух благочестия, дух смирения, в напастех терпение нам подаждь, во благоденствии – воздержание, к ближним любовь, ко врагом всепрощение, в добрых делех преуспеяние. Избави нас от всякого искушения и от окамененнаго нечувствия, в страшный же день Суда сподоби нас ходатайством Твоим стати одесную Сына Твоего, Христа Бога нашего, Емуже подобает всякая слава, честь и поклонение со Отцем и Святым Духом, ныне и присно и во веки веков. Аминь.
ИВЕРСКАЯ ИКОНА БОЖИЕЙ МАТЕРИ
В IX веке, во время жестокого иконоборчества, близ Никеи жила благочестивая вдова с сыном. В устроенной ею церкви находилась чудотворная икона Божией Матери. Желая спасти ее от поругания, вдова опустила икону в море. К ее радости, икона не упала в воду, а, стоя прямо, двинулась к западу.
Спустя время монахи афонской Иверской обители увидели, что по морю движется огненный столп, в основании которого находилась икона Богоматери. Они с почетом приняли икону и поместили, согласно Ее желанию, в надвратной церкви, где она и находится. История Иверского монастыря сохранила великое множество чудес.
О чудотворном образе Богоматери в России было хорошо известно, и во времена царя Алексея Михайловича, по просьбе Никона (впоследствии Патриарха, а тогда архимандрита Новоспасского монастыря), в Иверской обители был написан список с иконы, который прибыл в Москву в 1648 году и находился в Новодевичьем монастыре. Для Иверской часовни у Воскресенских ворот был написан другой список, получивший название Московского.
С тех пор Господь прославил Иверскую икону многими чудесами и почитание ее распространилось по всей Русской Земле.
Молитва
О Пресвятая Дево, Мати Господа, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию покланяющихся пречистому образу Твоему. Се бо, грехми погружаемии и скорбьми обуреваемии, взирающе на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и обремененных! Помози нам, немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину и на Страшнем Суде Сына Твоего явися нам милосердая Заступнице, да всегда поем, величаем и славим Тя, яко благую Заступницу рода христианскаго, со всеми угодившими Богу. Аминь.
КАЗАНСКАЯ ИКОНА БОЖИЕЙ МАТЕРИ
В 1579 году, в Казани, десятилетней девочке Матроне явилась Пречистая Богородица с повелением возвестить властям, чтобы они обрели в земле, на месте недавнего пожара, Ее икону. Икона была помещена в ближайшем Никольском храме, где настоятелем тогда был будущий Патриарх Ермоген.
Чудеса от обретенной иконы начались сразу, поэтому вскоре список с чудотворной и описание ее чудес были посланы в Москву, царю Иоанну IV, Грозному.
Казанская икона Божией Матери являлась спутницей и защитницей русского народа во все тяжелые периоды истории: в Смутное время начала XVII века и в войнах со шведами Петра 1, в Отечественную войну 1812 года и в Великую Отечественную. Она стала поистине всенародной святыней, знамением особого участия Пречистой Владычицы нашей в судьбах России.
Молитва
О Пресвятая Госпоже Владычице Богородице! Со страхом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе, умоли, милосердая Мати, Сына Твоего и Бога нашего, Господа Иисуса Христа, да сохранит мирну страну нашу, Церковь Свою Святую да незыблемо соблюдет от неверия, ересей и раскола. Не имамы бо иныя помощи, не имамы иныя надежды, разве Тебе, Пречистая Дево: Ты еси всесильная христиан Помощница и Заступница. Избави всех с верою Тебе молящихся от падений греховных, от навета злых человек, от всяких искушений, скорбей, бед и напрасныя смерти; даруй нам дух сокрушения, смирения сердца, чистоту помышлений, исправление греховныя жизни и оставление прегрешений, да вси благодарне воспевающе величия Твоя, сподобимся Небесного Царствия и тамо со всеми святыми прославим пречестное и великолепое имя Отца и Сына и Святаго Духа. Аминь.
ИКОНА БОЖИЕЙ МАТЕРИ “СПОРИТЕЛЬНИЦА ХЛЕБОВ”
В 1890 году из Болховского женского монастыря великому Оптинскому старцу Амвросию прислали икону Богородицы совершенно нового написания. Божия Матерь, сидящая на облаках, благословляет сжатое поле со снопами ржи. Икона, написанная по желанию и замыслу великого старца, стала называться “Спорительницей хлебов”. В этом имени было указание, что Богоматерь – Великая Помощница людям в их трудах к снисканию хлеба насущного.
Икона “Спорительница хлебов” прославилась многими чудотворениями, спасая людей от голода во время засух и неурожаев.
Молитва
О Пресвятая Дево Богородице, Премилостивая Владычице, Царице Небесе и земли, всякаго дома и семейства христианскаго Благоустроительнице, труждающихся благословение, нуждающихся неистощимое богатство, сирых и вдовиц и всех людей Кормительнице! Питательнице наша, рождшая Питателя Вселенным, и Спорительнице хлебов наших, Ты, Владычице, ниспосылаешь Твое Матернее благословение градом нашим, селам и нивам и коемуждо дому, на Тя упование имущему. Темже с благоговейным трепетом и сокрушенным сердцем смиренно молим Тя: буди и нам, грешным и недостойным рабом Твоим, мудрая Домостроительнице, житие наше добре устрояющая. Всякое же сообщество, всякий дом и семейство во благочестии и православии, единомыслии, послушании и довольстве соблюди. Нищия и неимущия пропитай, старость поддержи, младенцы воспитай, всех вразуми преискренне взывати ко Господу: “Хлеб наш насущный даждь нам днесь”. Сохрани, Пречистая Мата, люди Твоя от всякия нужды, болезни, глада, губительства, града, огня, от всякаго злаго обстояния и всякаго нестроения. Обители нашей (граду, веси), домам и семействам и всякой души христианстей, и всей стране нашей исходатайствуй мир и велию милость. Да славим Тя, Пречистую Питательницу и Кормительницу нашу, ныне и присно и во веки веков. Аминь.
ДЕРЖАВНАЯ ИКОНА БОЖИЕЙ МАТЕРИ
Державная икона Божией Матери явила себя русскому православному народу 2/15 марта 1917 года, в день отречения Царя-Мученика Николая Александровича от престола. Всю Россию облетело известие, что в этот день в селе Коломенском под Москвой произошло чудесное явление новой иконы, на которой Царица Небесная была изображена как Царица земная, восседающая на царском троне с короной на голове, со скипетром и державой в руках.
Царица Небесная снизошла в уготованный Ей всею русской историей “Дом Богородицы” в самый тяжкий период жизни богоносного русского народа, в момент его величайшего падения, и приняла на Себя власть Российской державы, когда сама идея Православного Самодержавия была попрана во имя самовластия сатаны.
Державная икона, как никакая другая в XX веке, свидетельствует нам о непрекращающемся потоке милости Божией, изливающейся даже в годы тяжелейших испытаний на нашу страну.
Молитва
О мира Заступнице, Мати Всепетая! Со страхом, верою и любовию припадающе пред честною иконою Твоею Державною, усердно молим Тя: не отврати лица Твоего от прибегающих к Тебе. Умоли, Милосердная Мати Света, Сына Твоего и Бога нашего, Сладчайшаго Господа Иисуса Христа: Да сохранит в мире страну нашу, да утвердит державу нашу в благоденствии и избавит нас от междоусобныя брани, да укрепит Святую Церковь нашу Православную, и непозыблему соблюдет ю от неверия, раскола и ересей. Не имамы бо иныя помощи, разве Тебе, Пречистая Дево: Ты еси всесильная христиан Заступница пред Богом, праведнейший гнев Его умягчающая. Избави всех, с верою Тебе молящихся, от падений греховных, от навета злых человек, от глада, скорбей и болезней. Даруй нам дух сокрушения, смирение сердца, чистоту помышлений, исправление греховныя жизни и оставление согрешений наших: да вей, благодарне воспевающе величия Твоя, сподобимся Небеснаго Царствия, и тамо со всеми святыми прославим Пречестное и Великолепое имя в Троице славимаго Бога: Отца, Сына и Святаго Духа. Аминь.
По книге В.Ю.Малягин и А.Н.Стрижев
“Молитвы о спасении России”.
