Православие молитва христово воскресение

Православие молитва христово воскресение

Православие молитва христово воскресение

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Верую во единаго Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.

Богородице Дево, радуйся, Благодатная Марие, Господь с Тобою; благословена Ты в женах и благословен Плод чрева Твоего, яко Спаса родила еси душ наших.

Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Воскресение Христово видевше, поклонимся Святому Господу Иисусу, единому безгрешному. Кресту Твоему покланяемся, Христе, и святое Воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите, вси вернии, поклонимся Святому Христову Воскресению: се бо прииде Крестом радость всему миру. Всегда благословяще Господа, поем Воскресение Его: распятие бо претерпев, смертию смерть разруши.

Величит душа Моя Господа, и возрадовася дух Мой о Бозе Спасе Моем.

Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.

Яко призре на смирение рабы Своея, се бо отныне ублажат Мя вси роди.

Яко сотвори Мне величие Сильный, и свято имя Его, и милость Его в роды родов боящимся Его.

Сотвори державу мышцею Своею, расточи гордыя мыслию сердца их.

Низложи сильныя со престол, и вознесе смиренныя; алчущия исполни благ, и богатящияся отпусти тщи.

Восприят Израиля отрока Своего, помянути милости, якоже глагола ко отцем нашим, Аврааму и семени его даже до века.

Ныне отпущаеши раба Твоего, Владыко, по глаголу Твоему с миром; яко видеста очи мои спасение Твое, еже еси уготовал пред лицем всех людей, свет во откровение языков, и славу людей Твоих Израиля.

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих; яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на олтарь Твой тельцы.

Молитвенные песнопения богослужений

Литургия

Символ веры

Ве́рую во еди́наго Бо́га Отца́, Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век; Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Перевод: Верую во единого Бога Отца, Вседержителя, Творца неба и земли, всего видимого и невидимого. (Верую) и во единого Господа Иисуса Христа, Сына Божия, Единородного, рожденного от Отца прежде всех веков; Света от Света, Бога истинного от Бога истинного, рожденного, не созданного, одного существа с Отцом, через Которого все сотворено; Для нас людей и для нашего спасения сшедшего с небес, принявшего плоть от Духа Святого и Марии Девы, и сделавшегося человеком; Распятого же за нас при Понтии Пилате, страдавшего и погребенного; И воскресшего в третий день, согласно с Писаниями (пророческими). И восшедшего на небеса и сидящего справа от Отца; И опять имеющего прийти со славою судить живых и мертвых, царству, Которого не будет конца. (Верую) и в Духа Святого, Господа, подающего жизнь, исходящего от Отца, поклоняемого и прославляемого равно со Отцом и Сыном, говорившего через пророков. (Верую) и во Единую, Святую, Соборную (Вселенскую) и Апостольскую Церковь. Исповедую одно Крещение во оставление грехов. Ожидаю воскресения мертвых. И жизни будущего века. Истинно так.

Отче наш

О́тче наш, Иже еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Перевод: Отче наш, сущий на небесах! Да святится имя Твое, да приидет Царствие Твое; да будет воля Твоя и на земле, как на небе; хлеб наш насущный дай нам на сей день; и прости нам долги наши, как и мы прощаем должникам нашим; и не введи нас в искушение, но избавь нас от лукавого.

Вечерня

Великое славословие

Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя, вели́кия ра́ди сла́вы Твоея́.
Г о́споди Царю́ Небе́сный, Бо́же Отче Вседержи́телю, Го́споди, Сы́не Единоро́дный, Иису́се Христе́, и Святы́й Ду́ше. Го́споди Бо́же, Агнче Бо́жий, Сы́не Оте́чь, взе́мляй грех ми́ра, поми́луй нас; взе́мляй грехи́ ми́ра, приими́ моли́тву на́шу; седя́й одесну́ю Отца́, поми́луй нас. Яко Ты еси́ един Свят, Ты еси́ еди́н Госпо́дь, Иису́с Христо́с, в сла́ву Бо́га Отца́, ами́нь.
Н а всяк день благословлю́ Тя и восхвалю́ и́мя Твое́ во ве́ки и в век ве́ка.
Б лагослове́н еси́, Го́споди Бо́же оте́ц на́ших, и хва́льно и просла́влено и́мя Твое́ во ве́ки. Ами́нь.
Б у́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м (трижды).
Г о́споди, Прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́.
Г о́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой; яко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.
С вяты́й Бо́же, Святы́й Кре́пкий, Святы́й Безсме́ртный, поми́луй нас (трижды).
С ла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
С вяты́й Бо́же, Святы́й Кре́пкий, Святы́й Безсме́ртный, поми́луй нас.

Читать еще:  Сорок дней молитва о здравии

Песнь «Свете Тихий»

Све́­те Ти́хий свя­ты́я сла́­вы Безсме́ртнаго От­ца́ Не­бе́с­на­го, Свя­та́­го Блаже́ннаго, Иису́­се Хрис­те́!
П рише́дше на за́пад со́лн­ца, ви́­дев­ше свет вече́рний, по­е́м От­ца́, Сы́­на и Свя­та́­го Ду́­ха, Бо́­га.
Д осто́ин еси́ во вся вре­ме­на́ пет бы́­ти гла́сы пре­по­до́б­ны­ми, Сы́­не Бо́­жий, Жи­во́т дая́й, те́м­же мир Тя сла́­вит!

Перевод: Иисусе Христе, Тихий (ясный, радостный) Свет святой славы Бессмертного Отца Небесного, Святого Блаженного! Мы, доживши до солнечного заката, и увидавши вечерний свет, прославляем Отца, Сына и Святого Духа Бога. Тебя, Сыне Божий, следует воспевать во все времена голосами святых людей, ибо Ты всему подаешь жизнь; поэтому Тебя прославляет вся вселенная. 1

Прокимен воскресный 2

Гос­по́дь воцари́ся, в ле́поту облече́ся.
О блече́ся Гос­по́дь в си́­лу и препоя́сася.
И ́бо утвер­ди́ вселе́нную, я́же не подви́жится.
Д о́­му Тво­ему́ по­до­ба́­ет святы́ня, Го́с­по­ди, в долготу́ дний.

Перевод: Господь царствует; Он облечен величием, облечен Господь могуществом [и] препоясан: потому вселенная тверда, не подвигнется. Дому Твоему, Господи, принадлежит святость на долгие дни. 3

Прокимен великий 4

Кто бог ве́­лий я́ко Бог наш? Ты еси́ Бог творя́й чу­де­са́.
Стих 1: Сказа́л еси́ в лю́­дех си́­лу Твою́.
Стих 2: И рех: ны́­не нача́х, сия́ изме́на десни́цы Вы́ш­ня­го.
Стих 3: Помяну́х де́ла Гос­по́д­ня, я́ко помяну́ от нача́ла чу­де­са́ Твоя́. И па́­ки: Кто бог ве́­лий:

Перевод: Кто Бог так великий, как Бог [наш]! Ты – Бог, творящий чудеса. Ты явил могущество Свое среди народов. И сказал я: «вот мое горе – изменение десницы Всевышнего». Буду вспоминать о делах Господа; буду вспоминать о чудесах Твоих древних. И снова: Кто Бог так великий… 3

Молитва «Сподоби, Господи»

Спо­до́­би, Го́с­по­ди, в ве́чер сей без греха́ сохрани́тися нам.
Б ла­го­сло­ве́н еси́, Го́с­по­ди Бо́­же оте́ц на́­ших, и хва́льно и просла́влено и́мя Твое́ во ве́­ки, ами́нь.
Б у́­ди, Го́с­по­ди, ми́­лость Твоя́ на нас, я́ко­же упова́хом на Тя.
Б ла­го­сло­ве́н еси́, Го́с­по­ди, нау­чи́ мя оправда́нием Тво­и́м.
Б ла­го­сло­ве́н еси́, Вла­ды́­ко, вразуми́ мя оправда́нием Тво­и́м.
Б ла­го­сло­ве́н еси́, Свя­ты́й, про­све­ти́ мя оправда́нии Тво­и́ми.
Г о́с­по­ди, ми́­лость Твоя́ во век; дел ру­ку́ Твое́ю не пре́­зри.
Т е­бе́ по­до­ба́­ет хвала́, Те­бе́ по­до­ба́­ет пе́­ние, Те­бе́ сла́­ва по­до­ба́­ет, Отцу́ и Сы́­ну и Свя­то́­му Ду́ху, ны́­не и при́с­но и во ве́­ки ве­ко́в. Ами́нь.

Перевод: Сподоби, Господи, в день сей без греха сохраниться нам. Благословен Ты, Господи, Боже отцов наших, и хвально и прославлено имя Твоё вовеки. Аминь. Да будет, Господи, милость Твоя на нас, как мы уповаем на Тебя. Благословен Ты, Господи, научи меня повелениям Твоим. Благословен Ты, Владыка, вразуми меня повелениями Твоими. Благословен Ты, Святой, просвети меня повелениями Твоими. Господи, милость Твоя вовек, созданий рук Твоих не презри. Тебе подобает хвала, Тебе подобает пение, Тебе слава подобает, Отцу, и Сыну, и Святому Духу, ныне, и всегда, и во веки веков. Аминь.

Песнь в честь Воскресшего Христа

Воскресе́ние Хрис­то́­во ви́­дев­ше, поклони́мся Свя­то́­му Го́с­по­ду Иису́­су, еди́­но­му безгре́шному. Кресту́ Тво­ему́ покланя́емся, Хрис­те́, и свято́е Воскресе́ние Твое́ по­е́м и сла́­вим: Ты бо еси́ Бог наш, ра́­зве Те­бе́ ино́го не зна́ем, и́мя Твое́ имену́ем. Прииди́те вси ве́рнии, поклони́мся Свя­то́­му Христо́ву Воскресе́нию: се бо при­и́де Кресто́м ра́­дость все­му́ ми́­ру, всег­да́ благословя́ще Го́с­по­да, по­е́м Воскресе́ние Его́: распя́тие бо пре­тер­пе́в, сме́р­тию смерть разруши́.

Перевод: Увидевши Христово воскресение, будем покланяться Святому Господу Иисусу, единому безгрешному, Христе! Мы покланяемся Твоему Кресту, воспеваем и прославляем святое Твое воскресение; ибо Ты – Бог наш, кроме Тебя другого мы не знаем и имя Твое призываем. Приидите, все верующие (христиане), поклонимся святому Христову Воскресению, ибо чрез крест (Его) настала радость для всего мира. Восхваляя всегда Господа, будем воспевать воскресение Его, ибо, претерпевши крестные страдания, смертью (Своею) Он уничтожил смерть (для людей). 1

Ангельское приветствие Богородице

Бо­го­ро́­ди­це Де́­во, ра́­дуй­ся, Бла­го­да́т­ная Ма­ри́е, Гос­по́дь с То­бо́ю; благослове́нна Ты в же­на́х и бла­го­сло­ве́н Плод чре́­ва Тво­его́, я́ко Спа́­са родила́ еси́ душ на́­ших.

Перевод: Богородица Дева Мария, исполненная благодати Божией, радуйся! Господь с Тобою; благословенна Ты между женами и благословен Плод, Тобою рожденный, потому что Ты родила Спасителя душ наших.

Утверди, Боже. Молитва из последования Утрени

Утвер­ди́, Бо́­же, свя­ту́ю пра­во­сла́в­ную ве́­ру, ве́­ру пра­во­сла́в­ных хри­сти­а́н. Утвер­ди́, Бо́­же, во век, во век ве́­ка.

Текст и толкование молитвы «Воскресение Христово видевше»

Пасхальная радость – особое состояние души. Это чувство вдохновляет все верующих на протяжении всего года до следующего Праздника праздников. В день Светлого Христова Воскресения человек духовно обновляется. Ощутить настроение христианского торжества позволяет текст молитвы «Воскресение Христово видевше».

Открывая для себя смысл и значение этой молитвы, человек дает возможность благодати Божьей наполнить его душу.

Пасхальная молитва «Воскресение Христово видевше»

Молитва «Воскресение Христово видевше» – духовный гимн в честь самого великого события в истории человечества – славного Воскресения Господа нашего Иисуса Христа. Новозаветная Пасха – избавление от власти греха, смерти и диавола через жертву Христа и Его Воскресение – основная весть евангельских текстов.

Молитвенная стихира тесно связана с традициями празднования пасхального дня и является одной из древнейших молитв, включенных в современное богослужение. Она отображает уникальный духовный опыт сопричастности Воскресшему Христу.

Настроение молитвы наиболее полно можно почувствовать, если перечитать те главы Евангелия, которые говорят о встрече апостолов и жен-мироносиц с воскресшим Христом. Дух молитвы ощущается на иконах «Воскресения Христова» и «Схождение во ад». На этих священных изображениях показано торжество, безусловная победа.

Христос, победивший смерть, Христос, разрушающий врата ада, повергающий в бегство его привратников. Исполнились ожидания праведных людей всех поколений, начиная от Адама. Есть ли большее величие Божие, есть ли большая радость для человека, который страшится смерти?

Это песнопение один из самых значимых текстов:

  • пасхальной службы;
  • богослужения Светлой Седьмицы;
  • воскресных дней;
  • дней от Пасхи до Вознесения;
  • некоторых других богослужений Церкви.

История написания

Наиболее полно чудо Воскресения ощущается на Святой Земле. Именно там Иисус произнес свои наставления и проповеди, собрал вокруг себя круг учеников. Именно там произошли важнейшие события Его земной жизни.

В иерусалимском храме Воскресения Христова особенно остро переживалось это великое евангельское событие. Эта церковь была построена по распоряжению царицы Елены в IV веке на месте Голгофы и гробницы, где было положено тело Иисуса после смерти на Кресте. Там начал формироваться особо величественный и торжественный чин богослужения.

Лучшие христианские поэты, вдохновленные Духом Божиим, составили стихиры, которые наполняют светом Воскресения. Они приносят особое чувство, возвращающее душу человека к жизни с Богом. Неудивительно, что песнопение «Воскресение Христово видевше» известно как древняя часть Святогробского устава.

В IX веке стихира звучит уже не только во время чтения Пасхальных часов и канона, но и после чтения Евангелия на бденных службах. Со временем молитва становится неизменяемой частью воскресного богослужения, а затем приходит и в сборники домашних молитв. Торжественная и радостная весть о Воскресшем Христе в наше время звучит и в храмах, и в домах верующих людей.

Толкование и значение молитвы

Молящийся свидетельствует, что увидел своим духовным взором момент Воскрешения Господа Иисуса. Удивительно об этом говорить нам, людям XXI века, однако, христианину надлежит за молитвами богослужения ощутить причастность ко всем наиболее значимым событиям земного служения Господа нашего.

В молитве исповедуется Божество Христа, залог Его всепобеждающего могущества. Своей Силой Христос разрушает твердыни ада и выводит праведников в полноту жизни Царствия Божия. В великой радости совершается поклонение Спасительной Жертве Христовой на Кресте. Господни страдания и смерть – свидетельство Его Любви к человечеству.

В молитве христианин славит победу над смертью. Плоды этой победы мы призваны разделить со Христом. Стихира свидетельствует о главной евангельской радости: Христос взошел на Крест, претерпел распятие и победил смертью смерть. Она призыв осознать себя последователем Воскресшего, благодарить и славить Господа.

Воскресший Христос – центр миропонимания христианина. Молитвы, которые касаются этой темы, закладывают базовую основу для светлой духовности. Осознанная практика их произношения – свидетельство здоровых духовных начал в человеке.

Весь круг годовых богослужений храма начинается Светлой Пасхальной радостью и заканчивается ей. По своему типу «Воскресение Христово видевше» – славословная молитва. В ней ничего не испрашивается у Бога. Начала покаяния в нее вносит прославление силы Христова Воскресения, которая побеждает человеческий грех и неправду.

Читать еще:  Молитва матери за сына чтоб сдал экзамены

В молитве обращает на себя внимание игра слов: «смертью смерть разрушил». У Отцов и Учителей Церкви много говорится о том, что воплощенный Сын Божий уловил диавола его же оружием.

Когда-то на заре бытия мира диавол обрек наших прародителей на умирание. Смерть вошла в мир и умножила скорби богооставленности. Она стала диктовать свои законы: каждый живущий должен умереть. После того как Христос, умер и воскрес, в мир вошло новое правило: каждый умерший воскреснет.

Как часть Пасхального богослужебного чина стихира способна:

  • принести в сердце молящегося светлую радость;
  • отогнать ощущение печали и скорби;
  • вдохновить на благие перемены в жизни;
  • пробудить желание регулярно посещать храм;
  • призвать разделить плоды жертвы и Воскресения Христа через участие в Таинствах Церкви;
  • принести утешение в сердце скорбящих об усопших сродниках и близких.

Текст молитвы «Воскресение Христово видевше» на русском языке с ударениями

Правильно расставленные ударения в тексте молитвы помогают не только внимательно уловить глубокий богословский смысл молитвы, но и ощутить ритмику стиха:

“Воскресе́ние Христо́во ви́девше,
поклони́мся Святому Господу Иисусу,
единому безгрешному.
Кресту Твоему покланяемся, Христе,
и святое Воскресение Твое пое́м и сла́вим.
Ты бо еси Бог наш, ра́зве Тебе ино́го не зна́ем,
Имя Твое имену́ем.
Приидите, вси ве́рнии,
поклони́мся святому Христову Воскресению;
се бо прии́де Кресто́м радость всему миру;
всегда́ благословя́ще Господа,
пое́м Воскресение Его,
распятие бо претерпе́в,
смертию смерть разруши́”.

Стихира за богослужением в храме поется особым напевом. Интересно, что в традициях церковной службы установилась практика пения этой молитвы не только хором, но и всеми присутствующими в храме. Это создает особое чувство единства верующих. Музыкальный мотив песнопения легко запоминается и снова возвращает в наши души радость Святой Пасхи.

Для более полного осмысления молитвы полезно знать перевод ее слов с церковнославянского языка:

“Воскресение Христа увидев, поклонимся Святому Господу Иисусу, единому безгрешному. Кресту Твоему поклоняемся, Христе, и Святое Воскресение Твое поем и славим, ибо Ты — Бог наш, кроме Тебя иного не знаем, имя Твое призываем. Придите, все верные, поклонимся святому Христову Воскресению, ибо вот, пришла через Крест радость всему миру. Всегда благословляя Господа, воспеваем воскресение Его, ибо Он, распятие претерпев, смертию смерть сокрушил”.

Когда и как правильно читать молитву

Для радости о Пасхе Господней нет временных или пространственных пределов. Церковь обновляет в душах верных это чувство в течение всего богослужебного года. Значит, прославлять дома Воскресшего Христа можно в любой день.

Апогей пасхальной радости – дни празднования Пасхи. Они длятся до Вознесения Господнего. Наверное, не нужно ограничивать христианина жесткими рамками в формировании личного молитвенного правила, но полезно, чтобы домашнее молитва входила в соответствии с богослужебным кругом Церкви.

Читать молитву рекомендуется:

  • единожды, утром каждое воскресенье;
  • трижды, утром в день Светлого Христова Воскресения;
  • трижды, утром в каждый из дней Светлой недели;
  • трижды со дня Пасхи и до празднования Вознесения Господнего;
  • в любое время при внутренней потребности.

Заключение

Молитвы пасхального цикла помогают нам снова и снова возродить в нашей душе ощущение всепобеждающей силы Воскресения Христова. Текст молитвы «Воскресение Христово видевше» на русском языке делает эту радость доступной большему кругу людей. Сердце верующего человека не может не просиять небесной надеждой и неземной радостью, когда звучит весть о Воскресшем Христе.

Молитвы и акафист Святой Пасхе

ТРОПАРЬ И КОНДАК КО СВЯТОЙ ПАСХЕ

Тропарь Воскресению Христову, глас 5

Христос воскресе из мертвых, смертию смерть поправ, и сущим во гробех живот даровав.

Пасхальный кондак, глас 8

Аще и во гробе снизшел еси, Безсмертне, но адову разрушил еси силу, и воскресл еси, яко Победитель, Христе Боже, женам мироносицам вещавый: радуйтеся, и Твоим Апостолом мир даруяй, падшим подаяй воскресение.

ВОСКРЕСНАЯ ПЕСНЬ

Воскресение Христово видевше, поклонимся святому Господу Иисусу, Единому безгрешному. Кресту Твоему покланяемся, Христе, и святое воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся святому Христову воскресению: се бо прииде Крестом радость всему миру. Всегда благословяще Господа, поем воскресение Его: распятие бо претерпев, смертию смерть разруши.

МОЛИТВА СВЯТОЙ ПАСХЕ

Пасхальная молитва обычно читается в конце акафиста Пасхи.

О, Священнейший и Величайший Свете Христе, Возсиявый всему миру паче солнца в Воскресении Твоем! В сей пресветлый и преславный и спасительный лень Святыя Пасхи, ликуют вси ангели на небеси и всяка тварь веселится и радуется на земли и всякое дыхание прославляет Тя, Творца своего. Днесь отверзошася райския врата, и свободишася умершия я во ад сошествием Твоим. Ныне вся исполнишася света, небо же земля и преисподняя. Да приидет убо Твой свет и в наши мрачныя души и сердца и да просветит нашу тамо сущую нощь греха, да и мы сияти будем светом правды и чистоты в пресветлыя дни Воскресения Твоего, яко же новая тварь о Тебе. И тако просвещеннии Тобою изыдем свещеноснии во сретении Твое, исходящему Тебе из гроба, яко Жениху. И яко возвеселил еси в пресветлый день сей явлением Своим святых дев зело заутра с миры ко гробу Твоему пришедших, тако и ныне просвети нощь глубокую страстей наших и возсияй нам утро безстрастия и чистоты, да узрим Тя сердечными очесы краснаго паче солнца Жениха своего и да услышим паки вожделенный глас Твой: Радуйтеся! И тако вкусивши Божественныя радости Святыя Пасхи еще зде на земли, да будем причастницы Твоея вечныя и великия Пасхи на небесех в невечернем дни Царствия Твоего, идеже будет веселие неизреченное и празднующих глас непрестанный и неизреченная сладость зрящих Лица Твоего доброту неизреченную. Ты бо еси Истинный свет просвещаяй и освещаяй всяческая, Христе Боже наш, и Тебе слава подобает во веки веков. Аминь.

АКАФИСТ СВЯТОЙ ПАСХЕ

Кондак 1

Избранный от дней — сей нареченный и святый день, праздников Праздник и Торжество есть торжеств, воньже Христос воскресе тридневен от гроба, ад пленивый и человеки воскресивый, Его же прославляюще да зовем вси: Христос воскресе, смерть поправый, людие веселитеся.

Икос 1

Ангели, Христе Спасе, днесь поют на небесех Твое из мертвых Воскресение, и нас на земли сподоби чистым сердцем Тебе с радостию славити и пети:
Христос воскресе, — Ангели ликовствуйте на небеси.
Христос воскресе, — людие торжествуйте на земли.
Христос воскресе, — воскликните Господеви вся земля.
Христос воскресе, — воспойте Богу нашему новую песнь.
Христос воскресе, — праведницы днесь да возвеселятся.
Христос воскресе, — врата адовы днесь да расточатся.
Христос воскресе, — смерть поправый, людие веселитеся.

Кондак 2

Видевше воскресшаго Сына Своего и Бога, Богоблагодатная Чистая, Едина добрая в женах и Непорочная, и еже радуйся слышавши от Него первая, всех радость восприя, Богомати Всенепорочная, и радующеся, в сердце своем возгласи: Аллилуиа.

Икос 2

Разумно небеса да веселятся, земля же да радуется, да празднует же мир весь, видимый же и невидимый, востание Христово, поюще Ему:
Христос воскресе, — веселие вечное.
Христос воскресе, — скорби уже да не будет ктому.
Христос воскресе, — да празднует убо вся тварь.
Христос воскресе, — вся поднебесная да радуется с нами.
Христос воскресе, — днесь спасение миру.
Христос воскресе, — днесь Солнце красное из гроба всем возсия.
Христос воскресе, смерть поправый, людие веселитеся.

Кондак 3

Силою Божественною Адама праотца спасый, смертное жилище Своею смертию днесь разори, и вся Божественными блистаньми Воскресения озари, возбудил еси мертвыя от века, Христе Спасе наш, начаток усопшим быв, да слышит от всех: Аллилуиа.

Икос 3

Имея безмерное благоутробие, снисшедый с небеси и воплотивыйся паче ума, Христос Бог наш сниде в преисподняя земли, и воздвиже с Собою Адама, и вси адовыми узами содержимии зряще, к свету идяху, Христе, веселыми ногами, Пасху хваляще вечную сице:
Христос воскресе, — где твоя, аде, победа?
Христос воскресе, — где твое, смерте, жало?
Христос воскресе, — мертвый ни един во гробе.
Христос воскресе, — жизнь да жительствует ныне.
Христос воскресе, — пленися ад, дерзайте мертвии.
Христос воскресе, — гробы отверзошася, возстаните от ада.
Христос воскресе, — смерть поправый, людие веселитеся.

Кондак 4

Буря скорби уже ныне преста, женский же лик со ароматы притече зело заутра ко гробу Жизнодавца, взыскующе прежде солнца Солнце зашедшее иногда во гроб, пречистаго же тела Твоего, Христе, не обретоша глаголаху: кто взят мертва, нага и погребенна? Светоноснаго же Ангела зряще на гробе седяша, со страхом возопиша Богу: Аллилуиа.

Икос 4

Слышаху от Ангела мироносицы девы: Что ищите Живаго с мертвыми? Что плачите Нетленнаго во тли? Радующеся же, поклонишася Живому Богу, Пасху тайную уразумевше, и друга ко друзей вопияху весело:
Христос воскресе, — Пасха велия нам днесь возсия.
Христос воскресе, — рыдания время нам ныне преста. Христос воскресе, — днесь Евино осуждение разрешися.
Христос воскресе, — днесь плач наш, на радость преложися.
Христос воскресе, — вместо мира песнь принесем Владыце.
Христос воскресе, — вместо слез — очистим чувствия и Его узрим.
Христос воскресе, смерть поправый, людие веселитеся. .

Читать еще:  Молитва на сохранение отношений с парнем

Кондак 5

Боголепно воскресшу Христу из мертвых, Магдалина Мария притече ко гробу Жизнодавца, видев же, яко камень отвален бе от гроба, с плачем глагола селящим Ангелом: Где убо скрыся Вечный Живот? Или Господа моего дадите, или со мною Емуже вси с верою возопийте: Аллилуиа.

Икос 5

Видевше Христа Магдалина у гроба, яко вертоградаря, Того вопроси глаголя: Повеждь ми, где положил еси Его, да аз возьму Его? Познавше же Воскресение Твое, Христе, всему миру тако благовести:
Христос воскресе, — жены престаните от слез.
Христос воскресе, — девы внидите в радость Господа своего.
Христос воскресе, — Апостоли радостию Божественною взыграйте.
Христос воскресе, — людие вси насладитеся сего добраго торжества.
Христос воскресе, — первии и последнии день почтите.
Христос воскресе, богатии и убозии друг с другом ликуйте.
Христос воскресе, смерть поправый, людие веселитеся.

Кондак 6

Проповедницы девы девственнику благовести, яко Жизнодавец Господь днесь от гроба возсия. Тойже, скоро возстав, притече ко гробу скорее Петра и приник внутрь, виде ризы едины лежащия. И вниде во гроб и виде и верова. И еще не видев Христа телесныма очима, увиде Его сердечною любовию и с верою возопи Ему: Аллилуиа.

Икос 6

Возсия Христос из гроба, явися прежде женам, яко теплую любовь явиша Ему у Креста. Видев же Петра, в скорби ко гробу пришедша, явися Ему, яко милосерд, прежде других ученик. Той же радости неизреченныя исполнився, всему миру тако благовести:
Христос воскресе, — днесь падшим подадеся воскресение.
Христос воскресе, — днесь всему миру возвестися спасение.
Христос воскресе, — днесь овцы заблуждшия ко Пастырю возвратитеся.
Христос воскресе, — днесь людие Божии от печали свободитеся.
Христос воскресе, — радуйтеся вси радостию неизреченною.
Христос воскресе, — целуйте друг друга лобзанием святым.
Христос воскресе, смерть поправый, людие веселитеся.

Кондак 7

Хотяй Жизнодавец Господь исполнити весь мир радости Воскресения своего, посла жены возвестити Апостолом, яко возста умертвивый смерть, тии же Ангелы светлостию душ удививше, веселыми ногами ко Апостолом течаху, глаголюще: Воистину Христос воскресе и живет во веки, с радостию воспойте Ему: Аллилуиа.

Икос 7

Дивную радость Воскресения Твоего, Христе, Апостоли от святых жен с радостию восприявше, яко волею за всех заклан был еси, живое и жертвенное заколение, яко единолетный агнец, Пасха чистительная, и тако всему миру благовестиша:
Христос воскресе, — Новая Пасха.
Христос воскресе, — Жертва живая.
Христос воскресе, — Агнец Божий вземляй грехи мира.
Христос воскресе, — язвою Своею всех исцеливый.
Христос воскресе, — днесь всяка тварь веселится и радуется.
Христос воскресе, — днесь Церковь Божия торжествует и празднует.
Христос воскресе, смерть поправый, людие веселитеся.

Кондак 8

Страшное таинство и преславное Воскресения Твоего, Христе, яко возстав от мертвых, не разрушил еси печатей гроба, яко же врата Девы не разверзл еси в Рождестве твоем. Ныне же в Воскресении Своем отверзл еси нам райския врата, да с разбойником внидем с Тобою в Чертог, поюще Тебе, яко Богу: Аллилуиа.

Икос 8

Всем верным, Христе, Пасха Священная нам днесь возсия, и всем отверзл еси нам райския врата, да вси пойдем к свету Воскресения Твоего, яко Богосветлая светила, от запада, севера и юга, и востока чада Твоя, Пасху благословяще вечную тако:
Христос воскресе, — прощение от гроба нам всем возсия.
Христос воскресе, — избавление от скорби всем верным наста.
Христос воскресе, — вси насладитеся сего пира веры.
Христос воскресе, — вси восприимите богатство благодати.
Христос воскресе, — никтоже да плачет прегрешений.
Христос воскресе, — никтоже да убоится смерти.
Христос воскресе, смерть поправый, людие веселитеся.

Кондак 9

Вся ныне исполнишася света, небо же и земля и преисподняя: небо, яко восходит ко Отцу Жизнодавец Господь, земля-же, яко возсия из гроба Солнце красное днесь, преисподняя-же, яко сниде в тамо сущий мрак Единородный Божий Сын, вся исполняяй неописанный. Да поклонится Ему вся земля, да празднует возстание Его вся тварь, поюще Ему: Аллилуиа.

Икос 9

Ветия Божественный Исаия да станет с нами и покажет, како предзре светоносный день Воскресения Твоего, ясно глаголюще о Тебе, Христе: Пожерта будет смерть победою и воскреснут мертвии и возстанут, иже во гробех. Мы же, образов сбытие зряще, веселимся божественне, поюще Тебе:
Христос воскресе, — днесь смерти празднуем умерщвление.
Христос воскресе, — днесь вечнаго жития возвещаем начало.
Христос воскресе, — днесь весна благоухает и новая тварь ликует.
Христос воскресе, — днесь отгнася мрачная буря греха и новые людие церковнии торжествуют.
Христос воскресе, — древняя мимоидоша, и се быша вся нова.
Христос воскресе, — небо днесь отверсто и узрит всяка плоть Лице Его.
Христос воскресе, смерть поправый, людие веселитеся.

Кондак 10

Спасти хотяй всяческая, с нами неложно обещался еси быти, Христе, до скончания века сего. Сему Божественному Твоему гласу внемлюще, утверждение же надежды имуще, радуемся Воскресению Твоему, поюще Тебе яко Богу: Аллилуиа.

Икос 10

Царя Христа узрев из гроба яко Жениха происходяща, жены с миры богомудрыя вслед Тебе течаху. Мы же свещи носяще, изыдем во сретение Жениху и спразднуем с любопразднственными чинми Пасху Божию спасительную, ясно глаголюще Ему сице:
Христос воскресе, — исходите, яко девы, во сретение Жениху.
Христос воскресе, — грядите свещеноснии, со светильники ко Христу.
Христос воскресе, — исполните души ваши Божественныя красоты.
Христос воскресе, — возжгите свещи своя от елея чистоты.
Христос воскресе, — возвеселимся Божественно яко с нами Жених.
Христос воскресе, — возрадуемся пресветло, яко уготовися невесте Чертог.
Христос воскресе, смерть поправый, людие веселитеся.

Кондак 11

Пение всерадостное вместо мира днесь принесем и всепразднственное настоящее торжество совершим в сию священную и спасительную и светозарную нощь, в нейже безлетный Свет из гроба плотски всем возсия, юже, яко провозвестницу светоноснаго дне невечерняго Царствия Твоего, Христе, ублажаем и поем, вопиюще Тебе: Аллилуиа.

Икос 11

Свет неизмеримый всем во тьме сидящим нам днесь возсия паче солнца светлее из гроба Твоего, Христе, вселенную всю просвети, сего ради ликуют мира концы, веселящеся же поет Христова Церковь, прославляюще Воскресение Твое:
Христос воскресе, — воистину священна и светозарна сия спасительная нощь!
Христос воскресе, — воистину праздников праздник сей нареченный и святый день!
Христос воскресе, — ликуй ныне и веселися Сионе Святый.
Христос воскресе, — светися и красуйся ныне Церковь Божия.
Христос воскресе, — слава бо Господня на Тебе возсия.
Христос воскресе, — радость вечная исполни вся чада Твоя.
Христос воскресе, — смерть поправый, людие веселитеся.

Кондак 12

Благодать веселую Твою, Христе, всем верным туне источил еси днесь в нарочитый день Воскресения Твоего, егоже преславно сотворил еси. Приидите возрадуемся и возвеселимся в онь, Божественнаго веселия Царствия Христова приобщимся, поюще Ему, яко Богу: Аллилуиа.

Икос 12

Поюще всесветлое Твое, Христе, Воскресение, поклонимся Тебе Воскресшему, и с верою и любовию к Твоим стопим припадем и едиными усты Тебе, яко братия, возопием:
Христос воскресе, — радостию друг друга обымем.
Христос воскресе, — и ненавидящим нас простим.
Христос воскресе, — вся чувствия внутрь себе очистим.
Христос воскресе, — лобзаем друг друга лобзанием святым.
Христос воскресе — во дворы Твоя с пением внидем.
Христос воскресе — в дому Твоем во вся светлыя дни пребудем.
Христос воскресе, смерть поправый, людие веселитеся.

Кондак 13

О, Пасха Велия и священнейшая, Христе, о, Мудросте и Слове Божий и Сило! Вместо мира песнь сию нашу приими, и яко Бог Крепкий совозстави нас и обожи, да сподобимся истее Тебе причащатися в невечернем дни Царствия Твоего на небеси и тамо со всеми святыми воспевати Тебе будем: Аллилуиа.

(Этот кондак читается трижды, затем икос 1 и кондак 1)

Икос 1

Ангели, Христе Спасе, днесь поют на небесех Твое из мертвых Воскресение, и нас на земли сподоби чистым сердцем Тебе с радостию славити и пети:
Христос воскресе, — Ангели ликовствуйте на небеси.
Христос воскресе, — людие торжествуйте на земли.
Христос воскресе, — воскликните Господеви вся земля.
Христос воскресе, — воспойте Богу нашему новую песнь.
Христос воскресе, — праведницы днесь да возвеселятся.
Христос воскресе, — врата адовы днесь да расточатся.
Христос воскресе, — смерть поправый, людие веселитеся.

Кондак 1

Избранный от дней — сей нареченный и святый день, праздников Праздник и Торжество есть торжеств, воньже Христос воскресе тридневен от гроба, ад пленивый и человеки воскресивый, Его же прославляюще да зовем вси: Христос воскресе, смерть поправый, лю-дие веселитеся.

Ссылка на основную публикацию
×
×
Adblock
detector